amérika herbiy paraxoti muzlar arisigha qapsilip qaldi

türkiye awazi radiyosi xewiri: amérika déngiz armiyesige tewe  « USS Little Rock »namliq urush paraxoti kanadadiki montriyél portida muz parchiliri arisigha qapsilip qaldi.

herbiy murasimgha qatnishish üchün toxtighan montriyél portining muz tutup tonglap kétishi sewebidin porttin chiqalmighan « USS Little Rock »namliq urush paraxotining hawa issip muzlar érip bolghuche portta turushqa mejbur ikenliki bildürüldi.

bu heqte melumat bergen herbiy bayanatchi kortnéy hillson bultur 16-dékabirda herbiy murasimgha qatnishish meqsitide yolgha chiqqan « USS Little Rock »namliq urush paraxotining filoridadiki herbiy bazigha qaytish kétishi üchün montriyél porti we bashqa seper nuqtiliridiki muzlarning érishi lazimliqini, shunga herbiy paraxotning kanadada saqlashqa mejbur ikenlikini uqturdi.

bayanatchi mundaq dédi: «montriyél porti we bashqa seper nuqtilirining témpératurasi tolimu töwen. su yolliri échilghuche, herbiy paraxotimizning  montriyélda kütüp turushi paraxottiki xadimlirimiz we paraxotning bixeterlikige nisbeten tolimu muhimdur.»

« Freedom-variant »sheklidiki 110 métir uzunluqta bolghan « USS Little Rock »namliq urush paraxoti okyanlardin sirt déngiz sahilliridimu téz sürette heriket qilalaydighan alahidilikke ige.

muzlarni azaytidighan issitquchi we 16 muz éritish üskünisi bolghan bu herbiy paraxotning déngizda bimalal seper qilalashi üchün bu yil martqiche muzliri aran érip tügeydighan lawréns déngiz yolining échilishini kütidu.