پادىشاھ سەلمان فىرانسىيە پىرېزىدېنتى ماكرون بىلەن كۆرۈشتى

تۈركىيە ئاۋازى رادىيوسى خەۋىرى: فىرانسىيە پىرېزىدېنتى ئېمانۇئېل ماكرون ھۇسىيلارنىڭ رىيادقا قىلغان باللىستىك باشقۇرۇلىدىغان بومبا ھۇجۇمىنى ئەيىبلەپ، خەۋپسىزلىك تەھدىتلىرىگە قارشى سەئۇدى ئەرەبىستاننىڭ يېنىدا تۇرىدىغانلىقلىرىنى بىلدۈردى.

ئىراننىڭ، رايوننىڭ مۇقىملىقىغا تەسىر كۆرسىتىدىغان پائالىيەتلىرىنىڭ ئالدىنى ئېلىش خىزمەتلىرىنىڭ ئىشلىنىشى كېرەكلىكىگە ئىشارەت قىلغان ماكرون، ئافرىقىنىڭ دېڭىز قىرغىقى دۆلەتلىرىدىكى تېررورلۇققا قارشى كۈرەشنى قوللاپ – قۇۋۋەتلىگەنلىكى ئۈچۈن پادىشاھ سەلمانغا مىننەتدارلىق بىلدۈردى.