engliyening liwandiki diplomati ölük halda tépildi
engliyening béyruttiki elchixanisining ayal diplomati rébika dikés bir tashyol etrapida ölük halda tépildi.
türkiye awazi radiyosi xewiri: liwan saqchi idarisi engliye diplomati rébika dikés toghrisida bayanat élan qilip, 16-dékabir kechte saqchi xadimlirining béyrutning sherqiy shimaligha jaylashqan metn rayonidiki tashyol etrapida bir ayal kishining jesitini tapqanliqini bildürdi.
bayanatta qeyt qilinishiche, ölüm sewebi we kimlikini éniqlash üchün edliye doxturxanisigha apirilghan jesetning, tekshürüsh netijiside engliyening béyrut elchixanisida xizmet qilidighan 30 yashliq rébika dikésning ikenliki békitilgen.
bayanatta, weqege munasiwetlik tekshürüshlerning dawamlishiwatqanliqi bildürüldi.
engliye tashqi ishlar ministirliqi weqeni toghrilap, liwan dairiliri bilen izchil alaqe qiliwatqanliqlirini élan qildi.
liwan taratquliridiki xewerlerde, engliye diplomatining basqunchiliq qilinghandin kéyin, boghup öltürülgenliki ilgiri sürüldi.
dikésning ailesi weqening qandaq yüz bergenlikini tekshürüsh ishlirining dawamlishiiwatqanliqini bildürdi.
engliye diplomati dikés iraq bilen liwiyedimu xizmet qilghan bolup, 2017-yili yanwardin bashlap liwanda turushluq engliye elchixanisida xizmet qiliwatqan idi.
