«amérika hökümiti tinchliqni xalisa israiliyening ishghaliyitige xatime bérishi kérek»

türkiye awazi radiyosi xewiri: qalin «‹ Daily Sabah › géziti» de élan qilghan maqaliside, tramp hökümitining quddusni israiliyening paytexti dep étirap qilish we amérikining tél awiw bash elchixanisini quddusqa yötkesh qararining, ottura sherq tinchliq musapisi we xelqaraliq diplomatiyege bérilgen éghir zerbe ikenlikini eskertish bilen bir waqitta, xelqara jemiyetning tramp hökümitige tégishlik jawab qayturghanliqini,  bu qarari tüpeyli amérikining dunya jamaetchilikining ghezep – nepritige uchrighanliqini tekitlidi.

amérika dairilirining uda birqanche aydin buyan tinchliq söhbitini qaytidin jaylandurush pilani tüzüsh üchün tirishchanliq körsitiwatqanliqini tekitligen qalin mundaq dep körsetti: «emma téxiche birer netije hasil qilinalmidi. eger quddus qarari bu yéngi pilanning bir parchisi bolsa, undaqta, amérikining pilani ölük tughuldi dégenliktur.»

yéqinqi yillardin buyan pelesitnliklerning tinchliq musapisining zéminini hazirlash meqsitide zimmisige yüklgengen wezipisini toluq orunlighanliqini qeyt qilghan qalin, 2017 – yilning bashlirida hamasning yéngi bir siyasiy höjjet élan qilip, 1967 – yilqi chégra liniyelirini békitip chiqqanliqini hemde yehudiyliq bilen siyonizimning chek – chégrasini ayrip chiqqanliqini xatiriletti.

öktebir éyida pelesitnlik siyasiy partiyeler hamas we fetihning kélishim hasil qilip, muzakirilerge «yégane sada» süpitide ishtirak qilghanliqini eskertken qalin, biraq israiliyening buninggha qarita semimiy we jiddiy pozitsiye tutmighanliqini, shuning bilen, basquchning kiriziske duch kelgenlikini éytti.

u yene, bultur yazda israiliyening aghwagerchilik qilip mesjidi eqsaning salahiyitini özgertishke urunushining, hem ishghaliyet astidiki rayonlarda hem pütkül islam dunyasida toqunushqa seweb bolghanliqinimu sözlirige ilawe qildi.