péntagon, rusiyening süriyedin esker chékindürüsh qarari toghrisida bayanat berdi

türkiye awazi radiyosi xewiri: amérika mudapie ministirliqi – péntagon bayanatchisi polkownik rob manning, rusiyening süriyediki esker sanini qisqartidighanliqigha dair bayanatining rayondiki emeliy ehwalgha mas kelmeydighanliqini éytti. u, muxbirlarning bu heqtiki soallirigha jawab bérip, amérika eskerlirining rayondiki mewjutluqining shert – sharaitqa baghliq ikenlikini, rusiyening herbiy mewjudiyitige özgertish kirgüzüshining amérikining qararlirigha tesir körsetmeydighanliqini eskertti.

polkownik manning, ittipaqdash küchlerning daésh térrorluq teshkilatining meghlubiyitini wayigha yetküzüsh yolida herbiy heriket élip bérishni dawamlashturidighanliqini ilgiri sürüp, amérikining bölgünchi térrorluq teshkilati p k k ning süriye gumashtisi p y d / y p g ni qollashni dawamlashturidighanliqini bildürdi.

rusiyening süriyede turushluq qisimlirining qomandani général - polkownik sérgéi surowikin, rusiyening süriyedin 23 urush ayropilani, 2 tik uchar ayropilan, alahide qisimlar, herbiy saqchi we sahe bixeterliki xadimlirini chékindüridighanliqini uqturghanidi.