singapor amérika bilen ayropilan sétiwélish kélishimi imzalidi

türkiye awazi radiyosi xewiri: donald tramp singapor bash ministiri li xéysing bilen aqsarayda ayrim we heyetler ara uchrishish ötküzdi, arqidin birlikte axbarat élan yighini chaqirip, boyin (Boeing) shirkitidin 13.8 milyard dollar qimmitide yéngi ayropilan zakas qilish bérish toghrisida kélishim tüzülgenlikini bildürdi.

pirézidént donald tramp mezkur kélishimning 70 ming kishige ishqa orunlashturush pursiti yaritidighanliqini we kélishimge imza qoyulghanliqidin memnunluq hés qilidighanliqini eskertti.

singapor bash ministiri li amérika bilen her sahe boyiche ornatqan hemkarliqlardin memnun ikenlikini bildürüp, ikki terep munasiwetlirining yéqinqi mezgillerde kücheygenlikini alahide tekitlidi.

ikki rehber axbarat élan qilish yighinida, amérika-singapor munasiwetlirining eng yaxshi mezgilde ikenlikini eskertti.

singapor bash ministiri koréye yérim arilining yadro qoraligha ige bolushigha qarshi ikenliklirini eskertip, shimaliy koréye tehditige qarshi amérika bilen bir septe ikenliklirini bildürdi. u xitay, yaponiye we rusiyege oxshash döletler bilen birlikte hel qilish charisi tépishning muhim ikenlikini qeyt qildi.

singapor bash ministiri amérika-xitay munasiwetlirige «dunyadiki eng muhim munasiwet» dep baha bérip, bu ikki dölet otturisidiki diyalog bilen öz ara hemkarliqning rayonluq mesililerning hel qilinishida asas ikenlikini tekitlidi.