Daşary ýurtlarda ses berenleriň sany 1-nji tapgyrdaky sesleriň sanyndan geçdi

Türkiyede Prezident saýlawynyň 28-nji maýda geçiriljek 2-nji tapgyr ses berilşigi üçin daşary ýurtda saýlaw sanawynda hasaba alynan saýlawçylardan ses berenleriň sany 1 million 895 müň 430 adama ýetdi. 

Daşary ýurt saýlaw sanawynda hasaba alynan saýlawçylaryň, daşary ýurtlardaky wekilhanalarda ses bermek işleri düýn tamamlandy. Şoňa laýyklykda daşary ýurt wekilhanalarynda 1 million 783 müň 107 adam ses berdi. 

Prezident saýlawynyň 2-nji tapgyry üçin gümrük geçelgelerinde ses bermek işleri 28-nji maý Türkiyäniň wagty bilen sagat 17:00-a çenli dowam eder. 

Türkiyäniň wagty bilen sagat 10:00-a çenli daşary ýurtlarda we gümrük geçelgelerinde ses berenleriň sany 1 million 895 müň 430 adama ýetdi. 

Saýlawyň ilkinji tapgyry üçin 1 million 681 müň 287-si daşary ýurtlardaky wekilhanalarda, 148 müň 183-i gümrük geçelgelerinde bolmak bilen daşary ýurt saýlaw sanawynda hasaba duran 1 million 839 müň 470 saýlawçy ses beripdi. 

Saýlawyň 2-nji tapgyrynda ses beren saýlawçylaryň sany häzirki wagta çenli 55 müň 960 adam artyp, 1 million 895 müň 430 adama ýetdi.