Terrora garşy göreş tutanýerli ýagdaýda dowam etdirilýär
Türkiyäniň Milli Howpsuzlyk gullugy Yragyň demirgazygyndaky Hakurk sebitinde soňky 1 hepdede geçiren operasiýalarynda, aksiýa geçirmek üçin taýarlyk görendigi anyklanan 15 terrorçyny täsirsiz ýagdaýa getirdi
Howpsuzlyk çeşmelerinden alynan maglumata görä Milli Howpsuzlyk gullugy Türkiyäniň Ýaragly güýçlerine degişli serhet we harby birikmelerine garşy aksiýa geçirmek maksady bilen taýarlyk gören terror toparyny anyklady.
Şol sebäpli soňky 1 hepdede geçirilen operasiýalarda aralarynda guramanyň ýokary derejeli ýolbaşçylary hem bolan 15 terrorçy täsirsiz ýagdaýa getirildi.
Beýleki tarapdan bolsa Siriýanyň demirgazygynda ekstremist terror guramasy PKK/ÝPG-e agza 2 terrorçy täsirsiz ýagdaýa getirildi.
Türkiyäniň Milli Goranmak ministrligi tarapyndan berilen beýanatda: "Gahryman Türkiyäniň Ýaragly güýçleri Siriýanyň demirgazygyndaky PKK/ÝPG-a agza terrorçylara garşy operasiýasyny dowam etdirýär. Zeýtun Şahajygy sebitinde anyklanan PKK/ÝPG-e agza 2 terrorçy täsirsiz ýagdaýa getirildi" diýip habar berildi.
Degişli Habarlar
2023-nji ýylda Türkiyede 958 müň 408 çaga dünýä indi
Türkiyede diri dogulan bäbekleriň sany 2023-nji ýylda 958 müň 408 hökmünde hasaba alyndy
Hakan Fidan, ABŞ-nyň Döwlet Sekretary Bilen Telefon Arkaly Söhbetdeşlik Geçirdi
Fidan bilen Blinken Gazada we Ukrainada başdan geçirilýän soňky wakalar hakynda pikir alyşdy.
