Hakkari welaýatynda iki terrorçy täsirsiz ýagdaýa getirildi

Türkiýäniň Içeri işler ministrligi Eren-14 operasiýasynyň çäginde Hakkari welaýatynyň Ýüksekowa etrabynyň Ulyýol obasynyň golaýynda ekstremist terror guramasy PKK-a agza 2 terrorçynyň ellerindäki ýaraglary bilen birlikde täsirsiz ýagdaýa getirilendigini mälim etdi. 

Operasiýanyň uçarmansyz howa ulagy we ýaragly uçarmansyz howa ulagy bilen ýerine ýetirilendigi bellenen beýanatda, howpsuzlyk güýçleriniň sebitde alyp barýan operasiýasynyň dowam edýändigi aýan edildi. 

Beýleki tarapdan howpsuzlyk güýçleri PKK-nyň ýaragly toparlaryny täsirsiz ýagdaýa getirmek bilen birlikde, terror guramasynyň iň uly girdeji çeşmeleriniň biri bolan neşe söwdasyndan alýan girdejisiniň öňüniň alynmagy maksady bilen operasiýalaryny dowam etdirýär.

Bingöl welaýat Žandarma serkerdeligi tarapyndan Genç etrabynyň Ýolaçty obasynyň golaýynda PKK/KJK/PÝD terror guramasynyň neşe eken meýdanlary anyklandy.

2-nji iýulda anna güni 230 harbynyň gatnaşmagynda Eren-4 operasiýasy geçirildi.

Operasiýada 15 million 217 müň düýp kenep, 290 kg kannabis tozany ele salyndy.