Terror guramasy PKK-a garşy göreş dowam edýär

Türkiýäniň Milli Goranmak ministrliginiň Twitter hasabyndan berilen beýanatda, Metina we Gara sebitlerinde anyklanan ekstremist terror guramasy PKK-a agza 3 terrorçynyň, howa güýçleriniň goldaw bermeginde geçirilen operasiýada täsirsiz ýagdaýa getirilendigi mälim edildi.

Beýanatda operasiýalaryň dowam edýändigi habar berildi.

Beýleki tarapdan Siirt welaýatynyň obalyk ýerlerinde ekstremist terror guramasy PKK-a garşy geçirilýän “Gapan-7 Garisa” operasiýasynda anyklanan 17 aýry gowak we gaçybatalga bilen 2 sany elde ýasalan partlaýjy madda ýok edildi.  

Howpsyzlyk çeşmelerden alynan maglumata görä, sebitde PKK-a agza terrorçylaryň täsirsiz ýagdaýa getirilmegi maksady bilen düýn başladylan  “Gapan-7 Garisa” operasiýasy dowam edýär.

Dronlaryň we uçarmansyz howa ulaglarynyň ulanylan operasiýada terrorçylar tarapyndan ulanylan 17 gowak we gaçybatalga bilen 2 sany elde ýasalan partlaýjy madda anyklandy.

Görülen howpsyzlyk çärelerinden soň, gowaklar we gaçybatalgalar harby hünärmenler tarapyndan partladyldy, elde ýasalan partlaýjylar bolsa ýok edildi.

Türkiýäniň Ýaragly güýçleriniň Siriýada Parahatçylyk Çeşmesi operasiýasy sebitinde geçiren operasiýasynda bolsa ekstremist terror guramasy PKK/ÝPG-e agza 8 terrorçy täsirsiz ýagdaýa getirildi.

Milli Goranmak ministrliginiň Twitter hasabyndan berilen beýanatda, terrorçylaryň Parahatçylyk Çeşmesi operasiýasy sebitindäki Türkiýäniň Ýaragly güýçlerine degişli ýerlere hüjüm guramak üçin taýarlyk görendigi anyklanandygy mälim edildi.

Beýanatda, PKK/ÝPG-e agza 8 terrorçynyň komandos toparynyň üstünlikli operasiýasy bilen täsirsiz ýagdaýa getirilendigi habar berildi.