Terrora garşy göreş giň germli dowam edýär
Yragyň demirgazygyndaky Hakurk, Sinath-Haftanin, Zap we Metina sebitlerine guralan howa hüjümlerinde terrora guramasyna degişli 12 ýer ýok edildi
Türkiýäniň Ýaragly güýçleri tarapyndan berilen beýanata görä Yragyň demirgazygyndaky Hakurk, Sinath-Haftanin, Zap we Metina sebitlerinde Türkiýäniň serhet birikmelerine hüjüm guramag üçin taýarlyk görýändigi anyklanan ekstremist terror guramasy PKK-a agza terrorçylara garşy howa hüjümi guraldy.
Howa hüjümlerinde gaçybatalga, gowak we ýarag liniýasy hökmünde ulanylan 12 aýry ýer ýok edildi.
Beýleki tarapdan Diýarbakyr welaýatynda terror guramasy PKK-a garşy 4-nji aprelde başladylan we düýn tamamlanan operasiýada arasynda terror sanawynda ady bolan Ýaşyl kategoriýadaky terrorçy bilen birlikde jemi 2 terrorçy täsirsiz ýagdaýa getirildi.
Operasiýada terrorçylar tarapyndan ulanylan 7 gowak we 8 gaçybatalga bilen 3 sany partlaýjy madda ýok edildi.
Gaçybatalgada we meýdanda gömülen ýagdaýda M-16 tüpeňi, 3 sany kalaşnikow tüpeňi, 356 sany feýrwerk, 2 sany granat bilen gurama degişli köp sanda resminama ele salyndy.
Diýarbakyryň Lije etrabyndaky operasiýada hem 4 terrorçy täsirsiz ýagdaýa getirildi.
Gözleg işlerinde tapylan elde ýasalan partlaýjy ýok edildi.
Şyrnak welaýatyndaky operasiýada bolsa terrorçylar tarapyndan ulanylandygy anyklanan 8 gowakda 2 mina, 9 sany partlaýjy we köp mukdarda enjam ele salyndy.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.