Türk metbugatynyň gysgaça mazmuny

“Watan” gazeti “Erdogan: Iýerusalim gowgamyz başgadyr” söz başyly habarynda, Prezident R.T.Erdoganyn Ysraýylyň Iýerusalimde Aksa metjidine guralan hüjümleriň ýürekleri ýene-de bir gezek ýaralandygyny nygtap; “Ysraýyldan duşuşan ýolbaşçylarymyň ählisine İýerusalimiň hukuk derejesi we mähremligi boýunça düşünjämizi elmydama beýan etdim. Halkara jemgyýetçiligini her bir platformada palestinalylara edilýän haksyzlyklara garşy reaksiýa bildirmäge çagyrdyk” diýendigini ýazýar.

“Star” gazeti “Erdogan: Terror guramasynyň kellesini iru-giç ezeris” söz başyly habarynda, Prezident Erdoganyň “Penje-Gulp” operasiýasy hakynda; “Terror guramalaryny indi ýurdumyzyň içinde aksiýa gurap bilmejek derejä getirdik. Siriýanyň bir böleginde ornaşmaga, güýçlenmäge, sebitiň halkyny betpällerine gurban etmäge taýýarlyk görýän terror guramasynyň kellesini iru-giç ezjekdigimizden hiç kim şübhelenmesin” diýen sözlerini çap edýar.

“Haber Türk” gazeti “Ukrainaly resmi Podolýak: Türkiýe töwellaçy hökmünde möhüm tarap” söz başyly habarynda, ukrainaly gepleşikleri alyp baryjy Mihail Podolýagyň Türkiýäniň töwellaçy hökmünde möhüm taraplardan biridigini nygtap; “Türkiýe hakykatdan hem uly jogapkärçilik aldy. Türkiýäniň töwellaçylygy dowam etdirmegini isleýäris” diýen sözlerini okyjy köpçüliginiň dykgatyna ýetirýär.

“Sabah” gazeti “Russiýa-Ukraina söweşinde Ýozgat detaly” söz başyly habarynda, Russiýa-Ukraina söweşinde kompozit we goraýyjy eşikleri bilen ýygy-ýygydan görülen Ukrainanyň döwlet Ýolbaşçysy Wladimir Zelenskiýniň söweş başlan badyna Türkiýäniň Ýozgat welaýatyndan özi we egindeşleri üçin 20 sany kompozit we goraýyjy egin-eşikleri ugratmagy isländigi mälim edilýär.

“Hürriýet” gazeti “IGA, Global awiasiýa pudagyna ýer eýeçiligini eder” söz başyly habarynda IGA Stambul howa menzili dünýäniň awiasiýa pudagynyň in bir abraýly çärelerinden biri bolan Rutes Worldiň 2023-nji ýyldaky resmi ýer eýesi bolandygyny ýazýar.