Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
Haber Türk gazedi: "Erdogan: Tunisdäki durnuklylyk sebit taýdan möhüm" söz başyly habarynda, Türkiýäniň Prezidenti Rejep Taýýip Erdoganyň Tunisiň Prezidenti Kaýs Said bilen telefon arkaly gürrüňdeş bolandygyny habar berýär. Erdogan telefon gürrüňdeşliginde durnuklylygyň, içerki parahatçylygyň we asudalygyň sebit taýdan möhümdigini bellän Tunisde, demokratiýanyň goralmagynyň, azatlyklaryň kepillik astyna alynmagynyň we kanunyň hökmürowanlygynyň gözegçilik edilmeginiň örän möhümdigini beýan etdi. Tunisiň Prezidenti Kaýs Said geçen hepde ýurdunyň başyndan geçirýän syýasy we ykdysady krizisler bilen geçirilen protestleri sebäp görkezip, mejlisiň işlerini 30 günlügine togtadandygyny, Premýer ministri wezipesinden çetleşdirendigini we täze bir Premýer ministr belläp, ülkäniň dolanşygyny öz üstüne aljakdygyny habar beripdi.
Watan gazedi: "Erdogandan Milanowiçe minnetdarlyk" söz başyly habarynda, Türkiýäniň Prezidenti Rejep Taýýip Erdoganyň Horwatiýanyň Prezidenti Zoran Milanowiç bilen telefon arkaly söhbetdeş bolandygyny mälim edýär. Erdogan telefon söhbetdeşliginde tokaý ýangynlary sebäpli Türkiýä gynanç bildiren we ýangyna garşy göreş üçin goldaw beren Horwatiýanyň Prezidenti Zoran Milanowiçe minnetdarlyk bildirdi. Horwatiýanyň bir ýangyn söndüriji uçaryny tokaý ýangynlaryna garşy göreş maksady bilen Türkiýä ugratmagyndan hoşaldygyny aýdan Prezident Erdogan hyzmatdaşlyk gatnaşyklarynyň bular ýaly günlerde has manyly ýagdaýa gelýändigini habar berdi.
Ýeni Şafak gazedi: "Eksportda taryhy rekord" söz başyly habarynda, Türkiýäniň eksportynyň ýanwar-iýul aýlary aralygynda geçen ýylyň şol döwri bilen deňeşdirilende 35 göterim, koronawirusa epidemiýasyndan ozalky döwüre garanyňda bolsa 16,4 göterimlik artyş bilen 121,4 milliard dollara ýetendigini beýan edýär. Soňky 12 aýlyk görkezijiler boýunça eksport 201,5 milliard dollara ýetip, Respublika taryhynda täze rekorda eýe boldy. Eksportda ilkinji gezek 200 milliard dollar çäginden geçildi.
Hürriýet gazedi: "Türk alymyndan taryhy açyş" söz başyly habarynda, türk alymy Rabia Tugçe Ýayjygiliň, endoskopiki diagnoz üçin ýuwudup bolýan nohut ululygyndaky kabelsiz maglumat ugradyp bilýän kiçijek bir kapsulany oýlap tapandygyny aýan edýär. Içege we iýmit siňdiriş ulgamy bilen bagly keselleriň anyklanmagyna peýda getirjek açyş, endoskopiýa başda bolmak bilen ençeme ugur boýunça ýeňillik döreder. Kapsula ýuwdulanyndan soň iýmit siňdiriş ulgamyna geçip keseller barada maglumat berer we öýjükli telefonlara şolar barada maglumat berer. Kapsula bilen ençeme keseliň irki diagnozlary mümkin bolar.
Sabah gazedi: "Weleýbolda garşydaş Günorta Koreýa" söz başyly habarynda, Türkiýäniň milli zenanlar woleýbol ýygyndysynyň 2020 Tokio Olimpiýa oýunlarynyň çägindäki çärýek finaldaky garşydaşynyň Günorta Koreýanyň ýygyndysynyň boljakdygyny beýan edýär. B toparyny 3-nji bolup tamamlan Türkiýäniň milli zenanlar woleýbol ýygyndysy, A toparyny 3-nji bolup tamamlan Günorta Koreýa bilen çärýek finalda oýnar. Türkiýäniň milli zenanlar woleýbol ýygyndysynyň çärýek final duşuşygy 4-nji awgustda çarşenbe güni Türkiýäniň wagty bilen sagat 03:00-da başlar.
