Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar.
“Sabah” gazeti “Erdogan Srebrenisa genosidi hakynda beýannama berdi! Ýol bermeris” söz başyly habarynda, Prezident R.T.Erdoganyň Bosniýa-Gersegowinada Srebrenisa genosidiniň 26-njy ýyly mynasybetli geçirilen hatyralan çäresine ugradan wideoýüzlenmesinde: “Ýewropanyň we adamzat taryhynyň şol gara tegmiliniň haýsy şertde bolandygyna garamazdan ünsden düşürilmegine ýol bermeris” diýendigini ýazýar.
“Ýeni Şafak” gazeti “Erdogan Halkara Demirgazyk Kipr Medeniýet we Sport festiwalyna gatnaşar” söz başyly habarynda, Prezident R.T.Erdoganyň Kipr parahatçylyk operasiýasynyň 47-nji ýyllygy mynasybetli iýul aýynyň 16-19-y aralygynda Lefkoşada geçiriljek “Halkara Demirgazyk Kipr Medeniýet we Sport Festiwalynda” ministrlerden we ozalky futbolçylardan ybarat bolan “Şöhratlar ýygyndysynyň” bäsleşiginde meýdanja çykjakdygyny mälim edýar. Erdogan bäsleşikden ozal bütin dünýä möhüm ýüzlenmeler berer.
“Haber Türk” gazeti “Milli goranmak ministri Hulusi Akar grek kärdeşine reaksiýa bildirdi” söz başyly habarynda, Milli goranmak ministri Hulusi Akaryň Gresiýanyň Goranmak ministri Nikola PAnagiotopulosyň Türkiýä garşy sözlerine reaksiýa bildirip, “Gresiýa meçew beriji, hukuk ykrar etmez, öz gol goýan ylalaşyklarany hem berjaý etmeýän, ylalaşyksyz we dartgynlygy güýçlendiriji pozisiýasyny dowam etdirýä” diýen sözlerini çap edýär.
“Hürriýet” gazeti “Döwlet Howa meýdanlary Ýewropada birinji orny eýeledi” söz başyly habarynda, Ulaglar we infrastruktura ministri Adil Karaismailoglunyň Döwlet howa meýdanlary edarasynyň Howa gatnawyna gözegçilik merkeziniň ýylyň 6 aýynda uçuş gatnawynyň dolanşygynda Ýewropanyň esasy merkezlerinden öňe geçip, birinji orny eýeländigini okyjy köpçüliginiň dykgatyna ýetirýär.
“Star” gazeti “Türkiýäniň deňiz önümleri eksporty rekord goýýar” söz başyly habarynda, Türkiýäniň 2020-nji ýylyň ýanwar-iýun aýlarynyň aralygynda 457,919 000 dollarlyk deňiz önümlerini eksport eden bolsa, üstümizdäki ýylyň degişli döwründe 42 göterim ösüş edip, 649 million dollara barabar bolandygyny mälim edýär.
