Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar.
“Watan” gazeti “Müňlerçe twit ugradyldy. #ErdoganlalaBirlikteýiz” söz başyly habarynda, Prezident R.T.Erdogan üçin başladylan “#EroganlaBirlikteýiz” ýarlykly habarnamalar müňlerçe adamyň goldaw bermeginde Twitteriň gün tertibine goşulandygyny ýazýar. Twitter aržaly Erdogana goldaw bermek üçin başladylan “Erdogany goldaýarys” ýarlykly habarnamalara halk deputatlary bilen jemgyýetçilik guramalarynyň ýolbaşçylarynyň, ýüzlerçe raýatyň goldaw berendigi mälim edilýar. Şol çäkde ýazylan twitleriň sany 250 müňden geçdi.
“Sabah” gazeti “Ýerli sanjymyň netijeliligi kesgitlendi” söz başyly habarynda, Kaýseri şäherinde taýarlanan koronawirus sanjymynyň Saglygy goraýyş ministrligine tabşyrylan 2-nji tapgyr barlaglarynyň habarnamasyna görä 250 meýletinde geçirilen barlaglaryň netijesinde meýletinleriň ählisinde sanjymyň netijeliliginiň kesgitlenendigini mälim edýär. İnaktiw görnüşli ýerli sanjymda taýarlyklar bellenen tertipde dowam eden halatynda sanjymyň sentýabr aýynda adatdan daşary şertlerde ulanylmagyna rugsat berilmegine garaşylýar.
“Star” gazeti” Rus syýahatçylary: Türkiýä gelmek isleýäris” söz başyly habarynda, rus syhahatçylarynyň daşary ýurtlaryň hatarynda esasy isleg bildirýän ýerlerinden biri bolan Türkiýä uçar saparlarynyň başladylmagyny isleýändigine ünsleri çekýär. Türkiýäni halaýandyklaryny beýan edýän rus syýahatçylary Türkiýäni tebigaty, medeni-jemgyýetçilik dynç alyş şertleri we elýeterli nyrhlar taýdan amatly görýär.
“Ýeni Şafak” gazeti “Beşiktaş çempionlar ligasynda” söz başyly habarynda, Ýokary liganyň çempiony Beşiktaşyň çempionlar ligasyna gönüden goşulmaga hukuk gazanandygyny okyjy köpçüliginiň dykgatyna ýetirýär. Beşiktaş Britaniýanyň Premiýer liasynda Çelsinin ligany birinji dörtlükde tamamlagy sebäpli çempionlar ligasynyň topar tapgyryna gönüden gatnaşmaga hukuk gazandy.
“Haber Türk” gazeti “Fransiýada Lille türkler bilen çempion” söz başyly habarynda, Fransiýanyň 1-nji ligasynyň soňy hepdesinde Angersi 2-1 hasabynda utan Lille komandasynyn çempion bolandygyny ýazýar. Lillänin 2-nji goluny “Şa” lakamly türk milli futbolçysy Burak Ýylmaz geçirdi. Düzüminde 4 türk futbolçysy bolan Lille komandasy taryhynda 4-nji gezek çempion boldy.
