Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Ýeni Şafak” gazeti “Prezident Erdogan: Iki hepde tapgyrlaýyn çäklendirme giriziler” söz başyly habarynda, Prezident R.T.Erdoganyň koronawirus ýokanjyna garşy görülen goşmaça çäreler hakynda beýannama berendigini ýazýar. Erdogan 15 günlük tapgyrlaýyn çäklendirmeleriň başlajakdygyny, hepdäniň dynç alyş günlerinde köçä çykma çäklendirmesiniň dowam etjekdigini, hepdäniň iş günlerinde sagat 19:00-05:00 aralygynda köçä çykma çäklendirmesiniň getiriljekdigini, şäherler arasyndaky gatnawlaryň mejbury şertlerden daşgary gadagan edilendigini aýtdy. Prezident Erdogan görülen çäreler netije bermän halatynda has berk çäreleriň görüljekdigini nygtady.
“Hürriýet” gazeti “Owtanystan parahatçylyk tapgyry boýunça maslahat Stambulda geçiriler” söz başyly habarynda, Türkiýäniň ýer eýeçiligindäki Owganara gepleşikler tapgyrynyň maslahatynyň aprel aýynyň 24-i bilen maý aýynyň 4-i aralygynda Stambulda geçiriljekdigini mälim edýär. Daşary işler ministrliginden berilen beýannamada maslahatyň esasy maksadynyň adalatly we durnukly syýasy çözgüdiň tapylmagy üçin Dohada dowam edýän Owganara gepleşikleriň depginini güýçlendirmek we tamamlaýyjy goşant goşmakdan ybaratdygy mälim edildi.
“Star” gazeti “ Türkiýe ýel energiýasyna goýulýan maýa goýumynda Ýewropada birinji bäşlikde” söz başyly habarynda, Türkiýäniň 1 milliard ýewrodan geçýän ýel energiýasy maýa goýumlary bilen 2020-nji ýylda Ýewropada esasy maýa goýulan ýrutlaryň sanawynda birinji bäşilikde orun eýeländigini ýazýar.
“Watan” gazeti “NASA-nyň bäsleşiginde Wan kölüniň fotosuraty birinji orny eýeledi” söz başyly habarynda, ABŞ-nyň Awiasiýa we kosmos gullugynyň (NASA) guran “Dünýä turniri” atly onlaýn fotosurat bäsleşiginde älem giňişliginden alynan Wan kölüniň fotosuratynyň birinji orny eýeländigini okyjy köpçüliginiň dykgatyna ýetirýär. Kosmonawt Keýt Rubins tarapyndan 2016-njy ýylyň sentýabrynda alynan fotosurat üçin “dünýäniň iň uly sodaly köllerinden biriniň bir bölegi görkezilýär” diýilýär.
“Sabah” gazeti “Rus syýahatçylary Türkiýä goýulan uçuş çäklendirmesine nägilelik bildirdi” söz başyly habarynda, rus syýahatçylarynyň dynç almak üçin isleg bildirilýän Türkiýä edilýän uçar saparlarynyň çäklendirilmegi sebäpli gynanýandyklaryny beýan edendiklerine ünsleri çekýär. Sosial media arkaly nägileliklerini beýan eden syýahatçylar kararyň bes edilmegi üçin gol ýygnama kampaniýasyny başlatdylar.
