Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Watan” gazeti “Ministr Çawuşogly BMG-niň Baş Sekretarynyň Kipr boýunça şahsy wekili bilen duşuşdy” söz başyly habarynda, Daşary işler ministri Çawuşoglynyň BMG-niň Baş Sekretary Antoniu Guterrişiň Kipr boýunça şahsy geňeşçisi Ýan Hull Lut bilen düýn paýtagt Ankarada duşuşandygyny ýazýar. Çawuşogly Lut bilen Kipr meselesinde aprel aýynyň ahyrynda Şweýsariýanyň Ženewa şäherinde geçiriljek 5+1 formatyndaky resmi däl masahata görülýän taýarlyklar hakynda pikir alyşandyklaryny beýan etdi.
“Ýeni Şafak” gazeti “İspaniýanyň Daşary işler ministri Laýa: “ÝB, Türkiýe bilen oňyn gatnaşyk etmeli” söz başyly habarynda, İspaniýanyň Daşary işler ministri Gonzales Laýanyň düýn ÝB-niň Daşary işler ministrleriniň derejesindäki maslahatdan ozal beren beýannamasynda ÝB-niň Türkiýe bilen oňyn gatnaşyk etmelidigini aýdandygyny okyjy köpçüliginiň dykgatyna ýetirýär.
“Star” gazeti “İşsizlik görkezijileri çap edildi” söz başyly habarynda, Türkiýäniň işsizlik mukdarynyň koronawirus pandemiýasyna garamazdan 2020-nji ýylda öňki ýyl bilen deňeşdirilende 0,5 göterim aşaklap, 13,2 göterime deň bolandygyny aýan edýär.
“Hürriýet” gazeti “THÝ Ýewropada birinjiligi elden bermeýär” söz başyly habarynda, Ýewropanyň awiawigasiýa howpsyzlygy gullugynyň mart aýynyň 15-21-i aralygyndaky görkezijilerine görä Türk howaýollarynyň günlük 670 uçuş bilen birinji orny eýelemäge dowam edendigini ýazýar. Fransuz howaýollary Air Frans bolsa ikinji orny eýeledi.
“Sabah”gazeti “Türkiýe-Gollandiýa bäsleşigini Mişel Oliwer gönükdirer” söz başyly habarynda, 2022-nji ýylda geçiriljek FIFA-nyň kubogynyň seçip alyş bäsleşikleriniň dowam edýändigini, türk milli ýygyndy futbol komandasynyň 2022-nji FIFA-nyň Bütindünýä kubogynyň seçip alyş bäsleşiginiň G toparynda ertir Gollandiýa bilen oýnajak bäsleşigini iňlis emin agzasy Mişel Oliweriň gönükdirjekdigini okyjy köpçüliginiň dykgatyna ýetirýär.
