Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
Ýeni Şafak gazedi: "Paragwaýyň Prezidentiniň aýaly Emine Erdogandan kömek sorady" söz başyly habarynda, Türkiýäniň koronawirus epidemiýasyna garşy göreşiň çäginde Paragwaýa 281 müňden gowrak lukmançylyk kömegini ugradandygyny habar berýär. Paragwaýyň Saglygy goraýyş ministrligi tarapyndan berilen beýanatda: "Saglygy goraýyş ministrligi tarapyndan düzülen zerur bolan zatlaryň sanawyna laýyklykda Prezidentimiziň aýaly Silwano Abdo, jorasy Emine Erdogandan kömek sorady. Şoňa laýyklykda Türkiýe 281 müňden gowrak lukmançylyk kömegini bagyş etdi" diýip aýan edildi.
Hürriýet gazedi: "Çawuşoglyndan çagyryş! Iň gysga wagtda bes edilsin" söz başyly habarynda, Türkiýäniň Daşary işler ministri Mewlüt Çawuşoglynyň BMG-nyň Howpsuzlyk geňeşiniň Ysraýyl-Palestina meselesini we Ysraýylyň gözegçiligi astyndaky Günbatar Şeriany anneksiýa etmek baradaky meýilnamasyny ara alyp maslahatlaşan maslahatyna ugradan hatynda: "Ysraýylyň hökümetine ýene-de bir gezek bikanun ýaşaýyş ýerlerini we bikanun annkesiýa meýilnamasyny iň gysga wagtda bes etmegi barada çagyryş berýäris" diýendigini mälim edýär.
Watan gazedi: "ÝB Tükiýe bilen bagly beýanat berdi: Özara ynanyşmak gatnaşyklaryny ýola goýmalydyrys" söz başyly habarynda, ÝB-niň Daşary gatnaşyklar we howpsyzlyk syýasaty boýunça ýokary wekili Jozep Borreliň Tükriýe bilen gowy goňşuçylyk gatnaşyklaryny ýola goýmagyň hem Gresiýanyň hem-de ÝB-niň peýdasyna boljakdygyny belläp: "Şol sebäpli Türkiýe bilen aragatnaşyga geçip özara ynanyşmak gatnaşyklaryny ýola goýmalydyrys" diýendigini okyjy köpçüliginiň dykgatyna ýetirýär.
Star gazedi: "Ministr Albaýrak: TL-e ynanan her kim gazanar" söz başyly habarynda, Gazna we maliýe ministri Berat Albaýragyň: "Birža Stambul täze ýylyň başyndan bäri maýadarlaryň gyzyklanmasy bilen ösüşini üznüksiz dowam etdirip, 2020-nji ýyldaky ýitgilerini yzyna alan dünýäniň seýrek biržalarynyň biridir. TL-e ynanan, Türkiýäniň baýlyklaryna we kärhanalaryň ösüş hekaýalaryna ynanan her kim gazanar" diýendigini beýan edýär.
Sabah gazedi: "Hytaýlylar Türkiýäniň awtoulagyny hasaba aldy" söz başyly habarynda, Türkiýäniň Awroulag Başlangyjy Toparynyň (TOGG) awtoulaglarynyň dizaýnlary Hytaýyň Patent guramasy tarapyndan hasaba alynandygyny habar berýär.
