Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde uly seslenme döredýär
Watan gazedi: "Erdogan: Hafteri goldaýanlar taryh ýazgarar" söz başyly habarynda, Türkiýäniň Prezidenti Rejep Taýýip Erdogan bilen Liwiýanyň Milli Ylalaşyk hökümetiniň Premýer ministri Faýiz as-Sarrajyň Beştepede duşuşyk geçirendigini habar berýär. Huntaçy Hafteriň hüjümlerine garamazdan Sarrajyň anyk bir pozisiýa eýeländigini aýdan Erdogan: "Hafteri goldap, Liwiýany gana we göz ýaşlara bulanlary taryh ýazgarar" diýip belledi.
Star gazedi: "Türkiýä Liwiýa babatynda minnetdarlygymyzy bildirdik" söz başyly habarynda, Liwiýanyň Milli Ylalaşyk hökümetiniň Premýer ministri Faýiz as-Sarrajyň Liwiýada duşmany dolulygyna ortadan aýyrýançalar çenli göreşlerini dowam etdirjekdiklerini aýdandygyny okyjy köpçüliginiň dykgatyna ýetirýär. Bikanun güýçleriň lideri Haftere mundan soňky etapda gepleşiklere mümkinçilik bermejekdiklerini aýdan Sarraj: "Liwiýanyň täzeden dikeldilmegi etabynda Türkiýäniň kärhanalaryny Liwiýada görmek isleýäris" diýip belledi.
Hürriýet gazedi: "Türkiýe dünýäniň 102 ýurduna lukmançylyk enjam kömegini berdi" söz başyly habarynda, Türkiýäniň Prezidenti Rejep Taýýip Erdoganyň, Britaniýanyň paýtagty London şäherinde geçirilen "2020 Global sanjym" maslahatyna wideoşekilli göni aragatnaşyk arkaly gatnaşyp, oňa gatnaşyjylara ýüzlenip çykyş edendigini mälim edýär. Sanjymyň tapylmagy ýaly onuň adamzadyň umumy önümi bolmagynyň, her kime ýeterlik derejede öndürilmeginiň örän möhümdigini aýdan Prezident Erdogan: "Kovid-19 epidemiýasynyň dünýädäki adalatsyzlyklary has hem çuňlaşdyrylmagyna rugsat bermeli däldir. Kovid-19 esasan hem uly bir maşgaladygymyzy ýene-de bir gezek ýatlatdy. Türkiýe häzirki wagta çenli dünýäniň 102 ýurduna lukmançylyk enjam kömegini ugratdy" diýip nygtady.
Haber Türk gazedi: "40 ýurda uçar saparlary 10-njy iýundan başlap başlaýar" söz başyly habarynda, Transport we infrastruktura ministri Adil Karaismailoglynyň, Kovid-19 epidemiýasyna garşy göreşiň dünýäniň beýleki ýurtlaryna garanyňda üstünlikli ýagdaýda hötdesinden gelen Türkiýäniň, täze kadalaşma etabynyň çäginde ädimlerini tapgyrlaýyn häsýetde durmuşa geçirýändigini belläp: "10-njy iýundan başlap tapgyrlaýyn häsýetde dünýäniň 40 aýry ýurduna uçar saparlaryny başlatmagy meýilleşdirýäris" diýendigini beýan edýär. Karaismailogly: "Daşary ýurt uçar saparlary ilki bilen DKTR, Bahreýn, Bolgariýa, Katar we Gresiýa başladylar" diýdi.
Ýeni Şafak gazedi: "Ukrainaly wekil Marçenko: Türkiýä garşy gün tertibe getirilen bu mesele biziň ýurdumyzda kabul edilmez" söz başyly habarynda, Ukrainada 1915-nji ýyldaky hadysalar bilen baglanşykly taýarlanan kanun taslamasynyň yzyna çekilendigini habar berýär. Ukrainaly wekil Lýudmila Marçenko: "Ýurdumyzda gün tertibe getirilen Ermeni tezisleri dolulygyna nähoş bir mesele we biziň ýurdumzda bu mesele jedelleşige açylmaz. Dostumyz bolan Türkiýä garşy gün tertibe getirilen bu mesele biziň ýurdumyzda kabul edilmez" diýip ünsleri çekdi.
