Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
Watan gazedi: “Prezident Erdogandan Siriýa serhedine garaşylmadyk sapar” söz başyly habarynda, Prezident Rejep Taýýip Erdoganyň, Şanlyurfa welaýatyndaky Gurýer güýçleri serkedeliginiň bilelikdäki giňişleýin operasiýa merkezine baryp görendigini we Parahatçylyk Çeşmesi operasiýasy barada maglumat alandygyny aýan edýär. Şanlyurfa welaýatyna Prezident Erdogan bilen birlikde Milli Goranmak ministri Hulusi Akar, Içeri işler ministri Süleýman Soýlu, Baş ştabyň başlygy Ýaşar Güler, Guryýer güýçleriniň serkerdesi Ümit Dündar, Harby-howa güýçleriniň serkerdesi Hasan Küçük Akýüz, Deňiz güýçleriniň serkerdesi Adnan Özbal bilen Prezidentiň ýanyndaky Kommunikasiýalar edarasynyň başlygy Fahrettin Altun gitdi.
Ýeni Şafak gazedi: “Bäbek ganhory ÝPG/PKK-a oktýabr aýynda agyr zarba” söz başyly habarynda, halkyň parahatçylygyny, asudalygyny we howpsyzlygyny bozmak isleýän ekstremist terror guramasy ÝPG/PKK-a garşy oktýabr aýynda geçirilen operasiýalarda 1090 terrorçynyň täsirsiz ýagdaýa getirilendigini mälim edýär. Täsirsiz ýagdaýa getirilen terrorçylaryň arasynda terror sanawynda ady bolan we gyzyl kategoriýa boýunça gözlenýän 2 terrorçy hem bar. Türkiýäniň günorta serhedinde döredilmäge synanyşylan terror koridoryny ýok etmek, sebite parahatçylyk we asudalyk getirmek maksady bilen 9-njy oktýabrda başladylan Parahatçylyk Çeşmesi operasiýasy bilen gurama agyr zarba salyndy.
Haber Türk gazedi: “Türkiýeden ABŞ-e we Fransiýa reaksiýa” söz başyly habarynda, Türkiýäniň Milli Goranmak ministrliginden berilen beýanatda: "ABŞ-nyň Parahatçylyk Çeşmesi operasiýasyny bahana edip toslama ermeni tezisleri bilen bagly kanun taslamasyny gün tertibe getirmegi we ýurdumyza we ýolbaşçylaryna garşy sanksiýa kararyny kabul etmegi, hem 2019-njy ýylyň 17-nji oktýabrynda gol çekilen ylalaşyga hem-de strategik hyzmatdaşlyk we NATO hyzmatdaşlygy ruhuna ters gelýär" diýip beýan edildi. Beýanatda, Fransiýanyň Milli mejlisiniň Parahatçylyk Çeşmesi operasiýasyny nyşana alan karary bilen baglanşykly bolsa başda fransuz halky başda bolmak bilen dünýä jemgyýetçiliginden hakykatlary gizlemekden we ýoýmak tagallalaryndan başga bir zat däldigi bellenip: "Toslama ermeni garaýyşlaryny kabul eden ABŞ-nyň Wekiller palatasy bilen PKK/ÝPG-niň hyzmatdaş hökmünde kabul edýän Fransiýanyň Milli mejlisini ýazgarýarys" diýip nygtaldy.
Star gazedi: “Erdoganyň çagyryşy bilen herekede geçdiler! Türkiýe üçin öndürerler” söz başyly habarynda, Türkiýäniň Prezidenti Rejep Taýýip Erdoganyň, alymlarymyza “Ýurdumyzda başladylan bilim we tehnologiýa göçümimize gatnaşmaga çagyrýaryn” sözleri bilen eden çagyryşyna dünýäniň çar tarapyndan 14 müň türk lukmanyndan jogap gelendigini beýan edýär. Lukmançylyk ugurundaky möhüm işleri bilen ençeme halkara baýraga laýyk görülen alymlar, Ankara Şäher hassahanasynyň Halkara WEB portalynda jemlendi. 14 müň alym, saglygy goraýyş boýunça dünýäde merkezi ýurt bolmagy maksat edinýän Türkiýe üçin derman öndürerler, lukmançylyk enjamlaryny özgerderler, taryhy operasiýalar geçirirler.
Hürriýet gazedi: “Hytaýdan Ýewropa gitjek ilkinji ýük otlusy 6-njy noýabrda Ankarada” söz başyly habarynda, Hytaýdan ýola çykyp Türkiýäniň üsti bilen Ýewropa geçjek ilkinji ýük otlusy China Railway Express, Karsyň üsti bilen Türkiýä girendigini beýan edýär. Otlynyň Ankara otly bekedine geljek güni bolan 6-njy noýabrda Transport we infrastruktura ministri Jahit Turhanyň gatnaşmagynda dabara geçiriler. “Bir nesil bir ýol” taslamasynyň çäginde Ankaranyň otly bekedinde geçiriljek dabara, Hytaýyň we sebitiň ýurtlarynyň resmileriniň gatnaşmagyna garaşylýar.
