Türk metbugatynyň gysgaça mazmuny

“Ýeni Şafak” gazeti “Türkiýe, 6 ýylda taýarlanan meýilnamany 14 günde puja çykardy” söz başyly habarynda, Türkiýäniň Siriýanyň demirgazygynda başladan “Parahatçylyk Çeşmesi” operasiýasyndan soň, Russiýa we ABŞ bilen gazanan iki möhüm ylalaşygy bilen Siriýanyň demirgazygynda 6 ýylda taýarlanan meýilnamany 14 günde puja çykarandygyny ýazýar.

Gazet “Parahatçylyk Çeşmesi” operasiýasy netijesinde ABŞ we Russiýa bilen gazanylan iki ylalaşyk we Türkiýäniň egilşiksiz tutumy sebäpli ekstremist terror guramasy PKK/ÝPG-nyň Siriýada täsiriniň galmandygyny belleýär

“Star” gazeti, “Russiýa: PKK/ÝPG çekilmese Türk goşuny olaryň üstünden geçer” söz başyly habarynda, Kremliň metbugat geňeşçisi Dmitriý Peskowyň, Türkiýe bilen gazanylan ylalaşygyň çäginde ÝPG/PKK-nyň Siriýanyň demirgazygyndan çekiljekdigi hakyndaky sözlerine ýer berýär

Peskow PKK/ÝPG-ä agza terrorçylar çekilmän halatynda Siriýanyň serhetýaka howpsyzlyk güýçleri bilen rus esgerleriniň çekijekdigini mälim etdi.

Peskow “Russiýa bilen Türkiýäniň arasynda gazanylan ylalaşygyň çäginde PKK/ÝPG çekilmese Türk goşuny olaryň üstünden geçer” diýdi.

“Watan” gazeti “NATO Türkiýe-Russiýa ylalaşygyndan hoşal” söz başyly habarynda, NATO-nyň Baş sekretary Ýens Stoltenbergiň,  Türkiýe bilen Russiýanyň arasynda gazanylan ylalaşykdan soň beýannama berendigini ýazýar.

Stoltenberg “Biz Siriýanyň demirgazygy meselesinde gazanylan ylalaşyk hoşal” diýdi.

Etap bilen ýakyndan gyzyklanýandygyny aýdan Stoltenberg “Çaknyşyklaryň azalmagyndan hoşal. Soçi ylalaşygy Siriýada çözgüt üçin umularyny artdyrdy” diýip belledi.

“Hürriýet” gazeti “Türkiýe iş ýeňilligi indeksinde 33-nji orny eýeleýär” söz başyly habarynda Gazna we Maliýe ministri Berat Albaýragyň, Türkiýäniň iş ýeňilligi indeksinde dünýäde 33-nji orny eýeleýändigi hakyndaky sözlerine ýer berýär

Twitterden Bütin dünýä bankynyň habarnamasy hakynda beýanat beren ministr Albaýrak, Türkiýäniň iş ýeňilligi indeksinde  ozal 43-nji orny eýeleýän bolsa indi 33-nji orny eýeleýändigine ünsi çekdi.