Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Star” gazeti “Erdogan ÝB bilen wiza erkinligi boýunça gepleşikler tapgyry hakyndaky düzgünnamany tassyklady” söz başyly habarynda, Prezident R.T.Erdoganyň “ÝB bilen Wiza Erkinligi Boýunça Gepleşikler Tapgyry” boýunça kadalaryň berjaý edilmegi üçin taýarlyklaryň depgininiň güýçlendirilmegi maksadyna laýyklykda çykarylan düzgünnamany tassyklandygyny ýazýar. Dü,zgünnamada: “Raýatlarymyz üçin wiza erkinliginiň geljekki tapgyrda tamamlanmagyny üpjün etmek üçin Wiza erkinligiboýunça iş kalendaryna girizilen düzgünleriň berjaý edilmegi boýunça alynyp barylýan işleriň depgininiň güýçlendirilmegi we Ýewropa Komissiýasy tarapyndan berjaý edilendigi tassyklanan düzgünleriň durnuklylygy üpjün edilmeli” diýilýändigini mälim edýär.
“Sabah” gazeti “Daşary işler ministrligi Gresiýa berk reaksiýa bildirdi” söz başyly habarynda, Daşary işler ministrliginiň Muratpaşa Belediýe Spor-PAOK gandbol bäsleşiginde ýüze çykan baýdak dartgynlygy sebäpli ýüzelenme çap edendigine ünsleri çekýär. Gazet ýüzlenmede: “Salonikde Muratpaşa Belediýespor bilen PAOK komandalarynyň arasyndaky gandbol bäsleşiginde bolan waka, Gresiýadaky Türkiýä garşy aşa milletparaz we fanatik gatlaklaryň betbälligini ýene-de bir gezek görkezdi. Oýunyň dowamynda dartgynlykdan çetde durmak üçin iki komandanyň arasynda ozal kabul edilen kararlara garamazdan meýdançada grek baýdagy barka türk baýdagynyň asylmagynyň bökdelmegini haýsydyr bir şertde kabul etmeýäris. Gresiýanyň degişli edaralaryny ýene-de bir gezek daşary ýurtly duşmany we basyşyň tarapynda durýan janköýerleriň sport çärelerine gatnaşmagynyň gadagan edilmegi üçin degişli çäreleri görmäge çagyrýarys” diýilýändigini okyjy köpçüliginiň dykgatyna ýetirýär.
“Ýeni Şafak” gazeti “ “Teknofest Stambulda” sergilenen Jezeri Uçýan ulagyna uly gyzyklanma” söz başyly habarynda, milli şertlerde 9 aýyň dowamynda tamamlanan uçýan ulag “Jezeriniň” “Teknofest Stambul” festiwalynda sergilenendigini mälim edýär. Gazet ünsleri özünde jemlän uçýan ulagyň gelejekde şäherara gatnawynda ulanyljakdygyny ýazýar.
“Haber Türk” gazeti “Sürüjisiz ulaglara Türkiýede uly isleg bar” söz başyly habarynda, Hasabat, derňew, salgyt we dolanşyk geňeşdarlygy boýunça iş alyp barýan halkara “Deloitte” firmasy bilen Türkiýe Awtomobil distribýuratorlary jemgyýetiniň bilelikde geçiren barlagyň awtonom ulaglara iň uly islegiň Türkiýede bildirilýändigini ýüze çykarandygyny mälim edýär.
“Hürriýet” gazeti “Sany 11 milliondan geçdi. Ähli döwürleriň rekordy goýuldy” söz başyly habarynda, deňizi, gumak plýažlary we nurly güneşi bilen özüne bendi edýän, gadymy şäherleri bilen taryhyň çuňluklaryna alyp gidýän, gowaklary, kanionlary we şaglawuklary bilen dünýäniň esasy syýahatçylyk destinasiýalaryndan biri bolan Antalýanyň çekiş merkezi bolmagynda galýandygyny ýazýar. Habarda “Syýahatçylygyň paýtagty” atlandyrylýan Antalýa üstümizdäki ýylyň başyndan sentýabr aýynyň 15-ne çenli gelen daşary ýurtly syýahatçylaryň sanynyň 11,6 milliondan geçendigini okyjy köpçüliginiň dykgatyna ýetirýär.
