Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
Sabah gazedi: “Erdogan, indoneziýaly kärdeşi bilen söhbetdeş boldy” söz başyly habarynda, Türkiýäniň Prezidenti R.T. Erdoganyň düýn Indoneziýanyň Prezidenti Joko Widodo bilen telefon arkaly söhbetdeş bolandygyny mälim edýär. Erdogan we Widodo geçiren telefon söhbetdeşliklerinde biri-birlerini baýramlary bilen gutlady.
Star gazedi: “Milli Goranmak ministrligi resmi ýagdaýda beýanat berdi: Sebitde uçarmansyz howa ulaglarymyz gözegçilik etmäge başlady” söz başyly habarynda, Milli Goranmak ministrligi tarapyndan berilen beýanatda, Siriýanyň demirgazygynda howpsyz zolagyň döredilmegi bilen bagly meýilnamanyň çäginde, uçarmansyz howa ulaglaryň gözegçilik işlerini geçirmäge başlandygy habar berildi.
Hürriýet gazedi: “TürkAkymynyň kabul edip alyş terminalynyň 95 göterimi tamamlandy” söz başyly habarynda, Russiýanyň tebigy gazyny Türkiýä ýetirjek we ol ýerden Ýewropa daşajak TürkAkymy tebigy gaz geçiriji turba taslamasynyň Trakýa welaýatynyň kenaryndaky Kyýyköý diýilen ýerinde ýerleşýän terminalynyň gurluşyk işleriniň 95 göteriminiň tamam bolandygyny beýan edýär. Türkakymy taslamasy kärhanasyndan berilen beýanatda, işleriň meýilnama görä dowam edýändigi we tebigy gazyň 2019-njy ýylda akdyrylmaga başlanmagy göz öňünde tutulýandygy aýan edildi.
Haber Türk gazedi: “Muglada kruiz syýahatçylygy” söz başyly habarynda, Maltanyň baýdagyny göterýän “Horizon” atly kruiz gämisiniň Ortaýer deňzi ýurtlaryna guraýan saparynyň çäginde Mugla welaýatynyň Marmaris etrabyna gelendigini okyjy köpçüliginiň dykgatyna ýetirýär. Marmaris portuna gelen gäminiň 1610 ýolagçysy bilen 607 ekipažy bar. Syýahatçylar gümrük işleriniň tamamlanmagyndan soň Marmaris bazaryna, Kaleiçe we ýahta portuna baryp gördüler. Syýasatçylar etrap merkezindäki taryhy ýerleri görmäge hem pursat tapdylar. “Horizon” gämisi Marmarisden soň Krite tarap ýola çykar.
Ýeni Şafak gazedi: “Kaputaş plažy 4 günde 25 müň myhmany kabul etdi” söz başyly habarynda, Antalýa welaýatynyň Kaş etraby Gurban baýramy mynasybetli dynç almağa gelen syýahatçylar bilen dolup, Kaş we Kalkan etraplarynyň arasynda ýerleşýän Kaputaş plažy bolsa taryhy günleri başyndan geçirdi. Firuza reňki bilen tanalýan plaž, baýram günlerinde 25 müň myhmany kabul etdi.
