Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Sabah” gazeti “ÝB wagtymyzy alýar” söz başyly habarynda, ÝB-niň Türkiýäniň wagtyny alýandygyny aýdan Prezident R.T.Erdoganyň; “Eger ÝB bizi agzalyga kabul etmejekdigini aýtsa, Türkiýe rahatlanar” diýendigini ýazýar. Gazet Prezident Erdoganyň Britaniýanyň köpçülikleýin habar beriş serişdesi “BBJ-ä” beren interwýusynda Türkiýäniň öz başyny çarap biljekdigini nygtandygyna ünsleri çekýär. Habarda Erdoganyň; “Biz sözümize wepaly bolduk. Eger ÝB aça-açan görnüşde Türkiýäni agzalyga kabul etmeýäris diýse, ol bizi rahatlandyrar. B we w meýilnamalarymyza başlarys” diýen sözlerini çap edýär.
“Ýeni Şafak” gazeti “Maýa goýum we çekiş merkezi Türkiýe” söz başyly habarynda, Prezident R.T.Erdoganyň Ankarada halkara firmalarynyň ýolbaşçylary bilen duşuşandygyny mälim edýär. Habarda Türkiýede maýa goýan 300-den gowrak halkara firmanyň ýolbaşçylaryna ýüzlenip çykyş eden Erdoganyň Türkiýä goýulýan maýa goýumyň mynasyp bolanyndan azdygyny nygtap; “Kynçylyk ýa-da bökdençlik bolsa gönüden meniň ýanyma geliň” diýendigini okyjy köpçüliginiň dykgatyna ýetirýär.
“Sabah” gazeti “Kataryň Ykdysadyýet ministriniň türk firmalaryna buşlugy” söz başyly habarynda, Kataryň Ykdysadyýet ministri Ahmad Bin Žassim Al Taniniň Türkiýäniň Katar üçin maýa goýum we söwda taýdan strategik hyzmatdaşdygyny aýdandygyna ünsleri çekýär. Gazet Türk firmalarynyň Katarda alyp barýan işlerini bökdençsiz dowam etdirýändigine ünsi çeken Taniniň; “Türk firmalaryny işlerini dowam etdirýär. Dünýä kubogy, infrasrtuktura talamalary we beýleki işler bökdensiz dowamedýär. Emma 4 ýurduň firmalarynyň mundan soňky işlere gatnaşmajakdygy sebäpli türk firmalaryna Katarda has uly pursatlar döräp biler” diýen sözlerini çap edýär.
“Star” gazeti “Ykdysadyýetimizi galkyndyrjak ägirt uly ätiýaç” söz başyly habarynda, Nebit işleri edarasynyň baş müdiri Ömer Kojanyň kömür magdanlaryndan alynjak metan gazynyň ykdysadyýete uly goşant goşjakdygyny, onuň 130 milliard m3-a barabardogono nygtap; “Şol gazyň gymmaty 37 milliard dollara barabar” diýen sözlerini ýerleşdirilýär.
“Watan” gazet “Ysraýylyň gazynyň ýoly Türkiýeden geçer” söz başyly habarynda, Türkiýäniň Ýewropa üçin energiýa köprüsi bolmak üçin taýarlyk görýändigini, Türkiýe bilen Ysraýylyň arasyndaky gatgnaşyklaryň kadalaşmagy bilen energetika pudagyndadaky hyzmatdaşlygyň öňündäki bökdençlikleriň aýrylandygyny okyjy köpçüliginiň dykgatyna ýetirýär. Gazet Ysraýylyň Energetika, infrastruktura we suw serişdeleri ministri Ýuwal Steinitziň 22-nji Bütindünýä Nebit maslahatynda sözlän sözünde energetikanyň Türkiýe bilen Ysraýylyň arasyndaky gatnaşyklaryň kadalaşma we özara gatnaşyklaryň ösdürlil tapgyrynda möhüm simwola öwrülendigini nygtap, iki sany möhüm taslama boýunça ýokary derejeli gepleşikleriň alynyp barylýandygyny, şolardan biriniň Türkiýäniň hem içerki sarp edişi hem-de Ýewropa tebigy gaz akdyrmak taýdan Ysraýyl üçin iňňän möhümdigini aýdandygyny ýazýar.
