Türk metbugatynyň gysgaça mazmuny 12.12.2015

“Ýeni Şafak” gazeti “Yrak çäre görmese biz göreris” söz başyly habarynda Mosuldaky türk esgeriniň nobat çalşygy meselesinde Yragyň hökümetiniň alyp barýan tutumyny tankyt eden Prezident R. T. Erdoganyň DAEŞ-iň Türkiýe üçin howplydygy hakyndaky sözlerine ýer berýär.
Prezident R. T. Erdoganyň “Yragyň merkezi hökümeti eger ol ýerden ýurdumyza guralyp bilinjek haýsydyr bir terrorçylykly hüjüme garşy çäre görmeýän bolsa onda biz çäre göreris” diýen sözlerini okyjy köpçüliginiň dykgatyna ýetirýär.
Gazet Prezident Erdoganyň Türkmenistana gitmezinden ozal Atatürk howa menzilinde beren beýanatynda Başikadaky esgerleriň yza çekilmejekdige aýratyn ünsi çekendigini belleýär.

“Sabah” gazeti “Asatsyz geçiş karary” söz başyly Siriýada 4 ýyldan gowrak wagt bäri dowam edýän içerki urşuň bes edilmegi üçin Wenada 1-nji ýanwarda geçiriljek maslahatyň öňüsyrasynda Saud Arabystanynda jemlenşen oppozision toparlaryň möhüm karar kabul edendigini habar berýär.
Gazet Saud Arabystanynyň paýtagty Riýatda 100 toparyň gatnaşmagynda geçirlen maslahatdan soň oppozisionerleriň içerki urşuň diplomatiýa arkaly çözülmegi maksady bilen Siriýanyň hökümeti bilen gepleşik geçirmek üçin ýokary komissiýanyň döredilmegi hakynda ylalaşyk gazanandygyny belleýär.
Gazet maslahatyň jemleýji jarnamasynda merkezi Riýatda boljak komissiýanyň, wagtlaýyn etabyň başlamagy üçin Siriýanyň hökmeti bilen gepleşik geçirjek topary kesgitlejekdigini nygtaýar.
Gazet jarnamada “Geçiş döwründe Asad häkimiýetden çekilmeli” diýlendigini ýatladýar.

“Ýeni Akit” gazeti “Ýetimler duşuşýar” söz başyly habarynda Yslam Hyzmatdaşlyk guramasynyň Ynsanperwer kömek gaznasynyň yslam dünýäsiniň ýetimlerine goldaw bermek maksady bilen Birinji halkara Ýetimler maslahatyny geçirjekdigini mälim edýär.
Gazet Stambulda şu gün öz işine başlajak maslahatyň 2 gün dowam etjekdigini nygtaýar.