Türk metbugatynyň gysgaça mazmuny 22.12.201
Dünýäniň we ýurduň gün tertibiniň ileri tutuluýan ugurlary bilen bagly habarlar gündelik gazetlerde giň beýan tapýar
“Star” gazeti “Haniýýe Türkiýä sagbolsun aýtdy” söz başyly habarynda, Hamasyň syýasy býurosynyň başlygynyň orunbasary İsmail Haniýýäniň “türk hökümetine, halkyna, Türk hyzmatdaşlyk we utgaşdyryjylyk gullugy TİKA ähli ugurda palestinanyň halkyna berýän goldawy üçin sagbolsun aýdýarys” diýendigini ýazýar. Gazet Haniýýäniň “Türkiýe döwletiniň we halkynyň uzak ýyllardan bäri Gaza goýlan çäklendirmäniň gowşadylmagy üçin alan jogapkärçiliginiň iki ýurdy birleşdirýän güýçli we mukaddes gatnaşyklara ünsi çekendigini okyjy köpçüliginiň dykgatyna ýetirýär.
“Akşam” gazeti “İň uly çadyr şäherçesi tamamlanýar” söz başyly habarynda, terror guramasy YSYS-yň Kobani etrabyna guran hüjüminde gaçan 200 müňe golaý siriýaly kürdüň Türkiýä sygynandygyny, myhmanlara ýaşaýyş jaý gurmak üçin işe girişen Tebigy apatlar we adatdan daşary ýagdaýlar edarasy bilen Kommunal hojalyk edarasynyň bir müň inedördül metr meýdanda Türkiýänin iň uly çadyr şäherçesini gurmaga başlandygyny we kobanili bosgunlar üçin niýetlenen çadyr şäherçesiniň 1-nji ýanwarda açyljakdygyny mälim edýär.
“Sabah” gazeti “Türkiýe gyşky syýahatçylykda uly tagalla edýär” söz başyly habarynda, Türkiýäniň syýahatçylyk gulluklary bileleşiginiň gyşky syýahatçylyk habarnamasyna görä deňiz, gumak diýlen ýada düşýän ilkinji ýurtlardan biri bolan Türkiýäniň syýahatçylyk pudagynda ýylyň 12 aýynyň dowamynda iş alyp barmak üçin soňky ýyllarda gyşky syýahatçylyga aýratyn üns berýär. Habarda mundan 10 ýyl ozal dekabr- ýanwar-fewral aýlarynda 2,7 million sýahatçy kabul edilýän bolsa, şol sanyň 2014-nji ýylda 4,8 million adama barabar bolandygy nygtalýar.
“Watan” gazeti “Türkiýä uly maýa akymy başlady” söz başyly habarynda, Kataryň başda durmagynda Pars aýlagy sebitinde we Ýakyn Gündogarda ýerleşýän ýurtlardan Türkiýä uly möçberli maýa gelmäge başlandygyny okyjy köpçüliginiň dykgatyna ýetirýär. Gazet Russiýadan çykan käbir gaznalaryň hem Türkiýä gönügendigini habar berýär.
“Sabah” gazeti “Türkiýede tapyldy dünýä haýran galdy” söz başyly habarynda, İznik kölüniň ýalpaklarynyň 20 metr golaýynda tapylan we 1600 ýyllyk bazilikanyň 2014-nji ýylyň esasy 10 açyşyndan biri bolandygyna ünsleri çekýär. Habarda bazilikanyň taryhy biziň eýýamymyzdan ozalky 4-nji asyra çenli baryp ýetýän, Bitiýa, Rim, Seljukly we Osmanly medeniýetlerine ýer eýeçiligini eden İznikde ýanwar aýynda geçirilen barlaglaryň netijesinde tapylandygy mälim edilýär.
