Türk metbugatynyň gysgaça mazmuny 24.07.2014
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýa
“Haber Türk” gazeti “Her sagatda bir çaga ýogalýar” söz başyly habarynda BMG-nyň Çagalar gaznasy UNİSEF-iň Ysraýylyň Gaza guraýan hüjümlerinde ýekşenbe akşamyndan bäri her sagatda azyndan biri çaganyň ýogalandygyny mälim edendigini ýazýar. Gazet UNİSEF-iň Gazadaky wekili Pernille İronsaýdyň ýogalýan çagalaryň sanynyň artmagynyň wagşylykdygyny aýdandygyny okyjy köpçüligini dykgatyna ýetirýär.
“Sabah” gazeti “Ýaralylar getiriler” söz başyly habarynda Prezidentlige dalaşgär Premýer ministr R.T.Erdoganyň saýlaw propogandasynyň çäginde Adanada eden çykyşyna ünsleri çekýär. Gazet Türkiýäniň şu günki güne çenli bolşy ýaly mundan beýlägem Palestinany goldamaga dowam etjekdigini bellän Erdoganyň “Ýaralananlary Türkiýä getirmäge başlaýarys. Bejergileri bärde ediler” diýen sözlerini çap edýär.
“Star” gazeti “Gabaýarka gabaldy” söz başyly habarynda çaga-aýal diýmän ýüzlerçe adamy zalymlarça gyrgýan Ysraýylyň Gazany gabaw astyna almak isleýärkä özüniň gabaw astyna alynandygyna ünsleri çekýär. Gazet halkara awiasiýa firmasynyň ýurda edilýän ähli uçuşlary “howpsyzlyk ýetmezçiligi” sebäpli bes edendigini nygtaýar. Habarda Türkiýe, ABŞ, Norwegiýa, Fransiýa, Kanada we Germaniýa bilen birlikde 22 ýurduň uçuşlary bes edendigi halk köpçüligine mälim edilýär.
“Akşam” gazeti “ÝB-ne agzalyga İtaliýa dopingi” söz başyly habarynda ÝB-niň täze döwürleýin başlygy İtaliýanyň Türkiýäni doly goldaýandygyny ýazýar. Gazet Rimde gepleşik etaby barasynda duşuşyk geçiren ÝB ministri Mewlüt Çawuşoglynyň “İtaliýada hökümet, oppozisiýa we halk Türkiýäni goldaýar” diýendigini ýazýar.
“Watan” gazeti “Fransuz köşkünde ilkinji agzaçar berildi” söz başyly habarynda Fransiýanyň Stambuldaky başkonsuly Muri Domenahyň başlangyç edip, Beýoglundaky Fransuz köşkünde agzaçar berendigini okyjy köpçüliginiň dykgatyne ýetirýär.
“Milliýet” gazeti “Deňizde çuň ýaryş” söz başyly habarynda Derýa Janyň 90,2 metr çuňluga çenli çümüp , gazanan dünýä rekordyny elden giderendigini mälim edýär. Gazet Şahika Erjümeniň düýn Antalýanyň Kaş etrabynda 91 metr çenli çümüp täze düýä rekorduny goýmagyň hötdesinden gelendigini mälim edýär.
