Türk metbugatynyň gysgaça mazmuny 10.07.2014
Dünýäniň we Türkiýäniň gün tertibiniň ileri tutulýan ugurlary bilen bagly habarlar gündelik gazetlerde giň seslenme döredýär
“Ýeni Şafak” gazeti “Mugallymlaryny ýatdan çykarmady” söz başyly habarynda, prezidentlige dalaşgär we Premýer ministr R.T.Erdoganyň ertir Stambulda yglan ediljek prezidentlik baradaky meýilnamasynyň taýarlyklarynyň dowam edýändigini ýazýar. Gazet Türkiýäniň ähli öwüşgünlerini özünde jemleýän maslahata Erdoganyň syýasatdaky egindeşleri bilen birlikde 30 mygallymynyň, etrapçadan dostlarynyň, 7 sebitden 70 işewür adamynyň, Marmaraý, Stambulynyň 3-nji howa menzili ýaly uly taslamalaryň inženerleriniň we işçileriniň gatnaşjakdygyny okyjy köpçüliginiň dykgatyna ýetirýär.
“Milliýet” gazeti “Gazanyň öli çagalary” söz başyly habarynda Ysraýylyň harby goşunynyň Gaza sektoryna guran howa hüjümlerinde iki günde ýogalanlaryň sanynyň 50 adama ýetendigini, ýüzlençe adamyň ýaralanandygyny nygtaýar. Ýogalanlaryň arasynda onlarça çaganyň we aýallaryň bardygyny ýazýan gazet, 2000-nji ýyldan bäri ýogalan palestinaly çagalaryň sanynyň 1407-ä ýetendigini mälim edýär.
“Sabah” gazeti “Abalyogly ABŞ-da fabrik gurar” söz başyly habarynda merkezi Türkiýäniň Denizli welaýatynda ýerleşýän “Abaly” firmalar toplumynyň ABŞ-da ilkinji fabrigini gurjakdygyny ýazýar. Gazet 42 million dollar gymmaty boljak mis fabriginiň 300 adamy iş bilen üpjün etjekdigini nygtaýar. Gazet Nýu-Mehiko ştatynda santa Teresa etrabynda ýerleşýän senagat parkynda gurulmagy meýilleşdirilýän desganyň 24 müň inedördül metr meýdana eýe boljakdygyny mälim edýär.
“Star” gazeti “65 mün adamy kabul eder” söz başyly habarynda mebel we agaç sünnäleme enjamlary, mebel pudagynyň kömekçi senagatynda we tokaý hojalygy pudaklarynda Türkiýäniň hem-de dünýäniň belli firmalaryny duşuşdyrýan Agaç Sünnäleme Maşynlary sergisinin 27-nji sentýabr bilen 1-nji oktýabr aralygynda Stambulda geçiriljekdigini okyjy köpçüliginiň dykgatyna ýetirýär. Gazet geçen ýol 30 ýurtdan 880 firmanyň we wekilleriniň gatnaşmagynda geçirilen sergä bolan gatnaşygyň has ýokary boljakdygyny mälim edýär.
“Watan” gazeti “Eksport edilýän 100 ulagdan 73 sanysy ÝB-ne” söz başyly habarynda, türk awtomobil pudagynyň eksportynyň ýylyň birinji ýarymynda ÝB-ne agza ýrutlara geçen ýylyň şol döwri bilen deňeşdirlende artyş edendigine ünsleri çekýär. Gazet pudagyň ÝB-ne agza ýurtlara edýän eksportynyň degişli döwre görä 3,6 göterim artandygyny ýazýar.
