Gyrgyz Respublikasynda Baýdak Güni Dabaraly Bellenilip Geçildi
Gyrgyz Respublikasynda 3-nji mart Döwlet baýdagynyň güni mynasybetli ýurdun ähli künjeklerinde resmi dabaralar geçirildi
Paýtagt Bişkekdäki dabara Ala-Too meýdanynda guraldy.
Milli mukamyň ýerine ýetirilmegi bilen başlan dabarada söz sözlän Bişkegiň şäher häkiminiň wezipesini wagtlaýyn ýerine ýetirýän Baktybek Kudaýbergenow: “Mejlis 29 ýyl mundan ozal 1992-nji ýylyň 3-nji martynda Gyrgyzstanyň Döwlet baýdagyny kabul etdi. Garaşsyz Gyrgyzstanyň baýdagy ilkinji gezek 1992-nji ýylyň 5-nji martynda baýdak diňine asyldy. Baýdagy Edil Aýdarbekow, Bekbosun Žaýçybekow, Sabyr İptarow, Žusup Mataýew we Mamatbek Sydykow dagy dizaýn etdiler. Döwlet baýdak güni 2010-njy ýyldan bäri resmi dabaralar bilen bellenilip geçilýär” diýdi.
Gazagystanyň paýtagty Nur Soltanda resmi saparyny dowam etdirýän Prezident Sadyr Japarow hem 3-nji mart Döwlet baýdagynyň güni mynasybetli çap eden ýüzlenmesinde gyzyl baýdagyň ýurduň garaşsyzlygynyň we azatlygynyň simwolydygyny, gyrgyz halkynyň ruhy gymmatlyklaryny we taryhy ýoluny beýan edýändigini nygtady.
Ata-babalarynyň asylly däplerini dowam etdirip, ýurduň geljegi üçin bir baýdagyň astynda birleşmegiň möhümdigini beýan eden Japarow, halkyň Döwlet baýdak gününi gutlady.
Degişli Habarlar
Erdogan Azerbaýjanly Kärdeşi Bilen Telefon Arkaly Söhbetdeşlik Geçirdi
Erdogan bilen Aliýew Türkiýe bilen Azerbaýjanyň arasyndaky özara gatnaşyklar hakynda pikir alyşdy