Türk Gyzyl Ýarymaý Jemgyýeti Azerbaýjana Gumanitar Kömek Ugratdy
Türk Gyzyl ýarymaý jemgyýetiniň Daglyk Garabagdaky çaknyşyklardan zyýan çekýän halka paýlamak üçin Azerbaýjana gyssagly ynsanperwer kömegini ugratdy
Jemgyýetin paýtagt Ankaradaky Estimesgut kompleksinde 4 konteýnerden ybarat ulag kerweni dabara bilen ugradyldy.
Türk Gyzyl ýarymaý jemgyýetiniň Başlygy Kerem Kynyk dabarada sözlän sözünde Azerbaýjana degişli bolan Daglyk Garabagda 27-nji sentýabrda başlan çaknyşyklar we asuda ilatyň nyşana almagy sebäpli başlan Azerbaýjan-Ermenistan çaknyşygynyň dowam edýändigini aýtdy.
Azerbaýjanyň Gyzyl ýarymaý jemgyýeti bilen ýakyn hyzmatdaşlyk edýändiklerini aýdan Kynyk: “Köp sanly adam pidalarynyň bardygyny, ilatly ýerleriň, mekdepleriň, hassahanalaryň we döwlet edaralarynyň agyr artilleriýa hüjümine sezewar bolandygy, ilatly ýerlerde partlamadyk ok-däriniň barydygy, şolar sebäpli adamlaryň öýleriniň ammarlarynda gizlenýändigi ýa-da başga ýerlere gidendigi habar berildi” diýdi.
Kynyk: “Azerbaýjanyň Gyzyl ýarymaý jemgyýetiniň talaplaryna laýyklykda 260 sany 16 inedördül metrlik 6 adamlyk çadyr, 3 müň ýorgan, 500 düşek, 288 aşhana komplekti, 1,2 million lira barabar ynsanperwer kömek enjamlary 4 konteýnerde 3 hünärmenimiz bilen Azerbaýjana ugradýarys” diýdi.
Degişli Habarlar
Erdogan Azerbaýjanly Kärdeşi Bilen Telefon Arkaly Söhbetdeşlik Geçirdi
Erdogan bilen Aliýew Türkiýe bilen Azerbaýjanyň arasyndaky özara gatnaşyklar hakynda pikir alyşdy