“Britaniýanyň Beren Challenger 2 Tanklary Ýurdumyza Geldi”

Ukrainanyň Goranmak ministri Oleksii Reznikow, Britaniýa tarapyndan berlen Challenger 2 tanklarynyň ýurduna getirlendigini mälim etdi.

Reznikow, sosial mediadan beren habarnamasynda, Günbatarly ýurtlaryň “tank hyzmataşlygynyň” çäginde Ukraina beren tanklary hakynda maglumat berdi.

“Britaniýanyň beren Challenger 2 tanklary ýurdumyza geldi” diýen Reznikow, tanklar üçin iňlis hökümetine we halkyna sagbolsun aýtdy.

Ministr Reznikow, tanklaryň synag sürüşleriniň geçirlendigini we ýakynda söweş meýdanynda öz wezipesine başlajakdygyny nygtady.

Beýleki tarapdan Ukrainanyň Baş ştabyndan berlen beýannamada, rus goşunynyň soňky 1 günde 24 howa we 12 raketa hüjümini gurandygy nygtaldy.

Ruslaryň “asuda ilata garşy terror” taktikasyny alyp barýandygy öňe sürlen beýannamada, “Düýn Donesk sebitiniň Slowýansk şäherine guralan raketa hüjüminde asuda ilatdan ýogalanlar we ýaralananlar bar” diýildi.

Beýannamada, Hersonyň Berislaw şäherinde ruslaryň guran howa hüjüminde hem bir desga zeper ýetirlendigi bellenildi.

Russiýanyň düýn gije uçarmansyz howa ulagy bilen hüjüm edendigi we 14-uçarmansyz howa ulagynyň Ukrainanyň ýaragly güýçleri tarapyndan urlup düşürlendigi nygtaldy.

Gollandiýanyň Premýer-ministri Mark Rutte hem ýurdunyň Ukraina harby uçar berip biljekdigini aýtdy.

Ukraina geçen aý Gollandiýadan F16 harby uçarlaryny talap edipdi.