Ukraina Ýewropa Tebigy Gaz Berer

Denis Şmygal Belgiýanyň paýtagty Brýusselde geçirilen ÝB-Ukraina Hyzmatdaşlyk Geňeşiniň maslahatyndan soň ÝB-niň Daşary gatnaşyklar we Howpsuzlyk syýasatlary boýunça Ýokary wekili Žozep Borrell bilen bilelikde metbugat ýygnagyny geçirdi.

ÝB-niň energiýa serişdeleri taýdan Russiýa bolan garaşlylygyndan halas bolmaga çalyşýandygyny ýatladan Şmygal; “Russiýadan edilen importyň esasy bölegini biz berip bileris. Häzirki wagtda tebigy gaz ammarlarymyzda 30 milliard m3 gaz bar. Şonuň bir bölegini ýewropaly ýaranlarymyza bereris” diýdi.

Ýewropanyň 113 milliard m3-a barabar bolan tebigy gaz ammarlarynda 91,1 milliard m3 gaz bar. ÝB-ne agza ýurtlar ýylda ortaça 400 milliard m3 tebigy gaz sarp edýär.

Russiýanyň Demirgazyk Akym-1 tebigy gaz geçirijisinden gaz akdyrmagy bes etmeginiň Ýewropadan Ukraina berilýän goldawa ýaramaz täsir ýetirip-ýetirmejekdigi hakynda-da durup geçen Şmygal, onuň Russiýa tarapyndan ýaýradylmak isleýän diskurslardan biridigini nygtap; “Russiýa häzirki wagtda Russiýa garşy çylşyrymly söweş alyp barýar. Tebigy gaz we nebit bilen abaý-syýasat edýär. Azyk we immigrant meselesini ýüze çykarýar. Dezinformasiýa we kiber hüjümleri iş ýüzüne geçirýär. Ukrainada urşuň ýadawlygy bar, emma Ukrainany Russiýanyň öňünde ýalňyz goýmak, Russiýanyň Ýewropa has çuňňur täsir ýetirmegiň başlangyjy bolar. Ýewropanyň ýeke-täk çykalgasy bilelikde, G7 we Ukraina bilen hereket etmek” diýdi.

Ukrainanyň Premýer-ministri Şmygal: “Bu azyk we tölegler üçin bolan uruş däl. Bu Ýewropanyň gymmatlyklary we demokratiýa, azatlyk ugrundaky söweş” diýdi.