Türkiýe Bilen Ysraýylyň Arasynda Howa Gatnawy Boýunça Ylalaşyk Gazanyldy
Türkiýe bilen Ysraýylyň arasynda Ysraýylyň howaýollary kompaniýalarynyň Türkiýä uçuşlaryny gaýtadan başlamagy boýunça alynky ylalaşyga gol çekişildi.
Ysraýylyň Hökümet ofisinden berilen ýazmaça beýannamada, iki ýurduň arasynda Ysraýylyň howaýollarynyň Türkiýä uçuşlaryny gaýtadan başlamatmagyny üpjün etjek alynky ylalaşyga gol goýulandygy habar berildi.
“Iki ýurduň arasyndaky gatnaşyklaryň ösdürilmeginde möhüm öwrülşik nokady bolandygyna” üns çekilýän ylalaşyga, soňky hepdelerde geçirilen “açyk we netijeli gepleşiklerden” soň Ysraýyl bilen Türkiýäniň raýat awiasiýasy boýunça ýolbaşçylary tarapyndan gol çekişilendigi nygtalýar.
Beýannamada Ysraýylyň Premýer-ministri Ýair Lapidiň 23-nji iýunda Daşary işler ministri mahalynda Ankara guran saparynda Türkiýäniň Daşary işler ministri Mewlüt Çawuşogly bilen ylalaşyk gazanmaklaryndan soň iş ýüzüne geçirilendigi habar berilýar.
Beýannamada; “Alynky ylalaşyk Ysraýylyň howaýollarynyň Türkiýä gatnawyny gaýtadan başlatmagynyň ýola goýulmagyna garaşylýan awiaylalaşygyň gazanylmagy taýdan möhüm başlangyçdyr” diýilýär.
Degişli Habarlar
Gazada Ýogalanlaryň Sany 35 Müň 233 Adama Ýetdi
Ysraýylyň 222 günden bäri Gaza Sektoryna garşy guraýan hüjümleri hakynda maglumat berildi.
