Pakistan Owganystana hüjüm gurady
Pakistanyň harby güýçleri Owganystanyň Host we Kunar welaýatlaryna howadan we gury ýerden hüjüm gurady
Talibanyň wagtlaýyn hökümediniň Host welaýatynyň Içeri işler edarasynyň metbugat geňeşçisi Mustagfer Gurbuz, Pakistanyň Harby-howa güýçleriniň Host welaýatynyň Spire etrabyndaky 4 oba howa hüjümini gurandygyny habar berdi.
Hüjümlerde asuda ilatdan ýitgileriň başdan geçirilendigini aýdan Gurbuz, şol obalaryň Pakistanyň serhediniň golaýynda ýerleşýändigini mälim etdi.
Şaýatlar bolsa hüjümlerde ýogalanlaryň we ýaralananlaryň sanynyň 15 adamdan köpdügini öňe sürdiler.
Kunar welaýatynyň gubernatorlygynyň metbugat sekretary Kari Najibullah Hanif, pakistanly esgerleriň Kunar welaýatynyň Şaltan etrabynyň Gerne obasyna minomýot bilen hüjüm gurandygyny aýan etdi.
Hanif, hüjümde adam ýitgileriniň başdan geçirilip-geçirilmändigini derňemek üçin sebite ýörite toparyň ugradylandygyny beýan etdi.
Sebitiň ýaşaýjylary bolsa hüjümde adam ýitgileriniň başdan geçirilendigini bellediler.
Talibanyň wagtlaýyn hökümediniň Daşary işler ministrligi, Pakistanyň Kabul şäherindäki Adatdan daşary we doly ygtyýarly ilçisini ministrlige çagyryp, hüjüm bilen bagly düşündiriş isledi.
Degişli Habarlar
Gazada Ýogalanlaryň Sany 35 Müň 233 Adama Ýetdi
Ysraýylyň 222 günden bäri Gaza Sektoryna garşy guraýan hüjümleri hakynda maglumat berildi.