Russiýa Bir Aýda Kiýewi Gabaw Astyna Alyp Bilmedi
Ukrainanyň Baş ştaby Russiýanyň bir aýda Kiýewi gabaw astyna alyp bilmeýändigini habar berdi.
Baş ştabdan berilen beýannamada Russiýanyň Ukraina bir aý ozal başladan söweşi we frontlardaky soňky ýagdaý hakynda maglumat berildi.
Russiýanyň Donesk we Lugansk sebitleriniň admintratiw çäklerine geçip bilmändigi, Kiýew şäherini gabaw astyna alyp bilmändigiwe Ukrainanyň çep böleginde gözegçiligi ele geçirip bilmändigi beýan edildi.
Beýannamada Russiýanyň Kiýewi, Çernigiwi, Sumini, Harkowy we Mariupoly almak üçin hüjümleri gaýtadan başlatma synanşygyndan el çekmändigine üns çekilýär.
Russiýanyň ýaragly güýçleriniň frontdaky ýagdaýlary kadalaşdyrmak üçin Ukraina serhedine gaýtadan ornaşma işiniň dowam edýändigi habar berildi.
Soňky 24 sagatda Kalinkowa, Gorinka, Puşa-Wodisa, Nowyýew Petrowsä, Romanowka we Kiew şäheriniň demirgazyk gündogaryna artilleriýa hüjümini guralandygy ýatladyldy.
Mariupoldaky harby däl infrastruktura desgalarynyň hem howa we artilleriýa hüjümlerine sezewar bolýandygy beýan edildi.
Ukrainanyň wise-premýeri Irina Wereşçuk hem sosial media hasabyndan beren habarnamasynda Ukrainada çaknyşyklaryň dowam edýän ýerlerinden asuda ilaty halas etmek üçin 9 çykalgadan 7 sanysynyň peýdalanylýandygyny mälim etdi.
Düýn gije Mariupolşäherinde hususy ulaglary bilen 2,912 adamyň Zaparožiýe şäherine barandygyny mälim eden Wereşçuk; “Kiýewden 919, Gulaýpole şäherinden 51, Rubežnoýe, Lisiçansk, Sewerodonesk, Kremennaýa şäherlerinden bolsa 672 adamy ewakuasiýa etdik. Bu şäherlere 60 tonna ynsanperwer kömegini ýetirdik” diýdi.
