ABŞ-nyň Prezidenti Baýden, Yragyň Premýer Ministri Kazymi Bilen Telefon Arkaly Söhbetdeşlik Geçirdi
Baýden bilen Kazymi, Yragyň howpsyzlyk güýçlerine we koalisiýa güýçlerine garşy guralýan roketa hüjümleri hakynda pikir alyşdy
1589592
ABŞ-nyň Prezidenti Jo Baýden, Yragyň Premýer ministri Mustafa Kazymi bilen telefon arkaly söhbetdeşlik geçirdi.
Mesele hakynda Ak Tamdan berlen ýazmaça beýannamada, Prezident Baýdeniň, ABŞ-nyň Yragyň özygtyýarlylygyna we garaşsyzlygyna goldaw berýändigi we Premýer ministr Kazyminiň liderligini takdyr edýändigi nygtaldy.
Beýannamada “Baýden bilen Kazymi soňky günlerde Yragyň howpsyzlyk güýçlerine we koalisiýa güýçlerine garşy guralýan roketa hüjümleri hakynda pikir alyşdy we hüjümleriň jogapkärleriniň tussag edilmegi meselesinde ylalaşyk gazandy” diýildi.
Beýannamada mundan başgada, Baýden bilen Kazyminiň ABŞ bilen Yragyň arasyndaky gatnaşyklary “Strategik dialog” arkaly ösdürmegiň ähmiýetine ünsi çekendigi bellenildi.
