Somalide terror guramasy Aş-Şabab tarapyndan guralan hüjümde 6 adam ýogaldy
Somalide terror guramasy Aş-Şababyň Aşakgy Şabelle sebitiniň häkimi Abdulkadir Sidiniň ulag kerwenine garşy guran ýaragly hüjüminde 6 esger ýogaldy
1565446
Howpsuzlyk çeşmelerinden alynan maglumata görä, Aşakgy Şabelle sebitiniň häkimi Abdulkadir Sidi düýn irden howa menziline barýarka ýaragly hüjüme sezewar galdy.
Sidiniň ýaralanmadan halas bolan hüjümde 6 esger ýogaldy, aralarynda Somaliniň ýörite harby güýçleri DANAB-yň serkerdesi hem bolan 4 harby bolsa ýaralandy.
Ýaralanan esgerler dikuçarlar bilen ýurdyň paýtagty Mogadişu şäherinde alynyp gidildi.
Hüjümiň jogapkärçiligini terror guramasy Al Kaýda bilen arabaglanşykly bolan Aş-Şabab öz üstüne aldy.
Aş-Şabab sebitde ýygy-ýygydan howpsuzlyk güýçlerini we asuda halkyň ýaşaýan ýerlerini nyşana alyp hüjüm guraýar.