Tripolide guralan raketa hüjüminde asuda ilatdan 1 adam ýogaldy

Liwiýada huntaçy general Halife Haftara tabynlykdaky güýçler tarapyndan paýtagt Tripoliniň gündogarynda guralan raketa hüjüminde asuda ilatdan 1 adam ýogaldy.

Halkara derejesinde ykrar edilen Milli ylalaşyk hökümetine tabynlykdaky güýçleriň guraýan Burkan Al Gadab operasiýa merkezinden berlen ýazmaça beýanatda, paýtagtyň gündogarynda ýerleşýän Al Bais etrapçasyna atylan raketa sebäpli 50 ýaşyndaky 1 adam ýogaldy.

Haftara tabyndaky güýçler hepdäniň başyndan bäri Tripolide guraýan raketa hüjümlerini artdyrdy.

Paýtagt Tripolide fewral aýynyň 12-13-i aralygynda guralan raketa hüjüminde 2 adam ýogalypdy, 12 adam hem ýaralanypdy.

Tripoli uniwersitetiniň gündogaryna düşen raketa hem 5 adamyň ýaralanmagyna sebäp boldy.