Eýrandan Trampa emeli hemra bilen bagly jogap
Eýran, ABŞ-nyň Prezidenti Donald Trampyň, uçuryljak mahaly partlandygy öňe sürülen emele hemranyň suratyny paýlaşyp, emeli hemranyň entek uçurylmandygyny habar berdi
Eýranyň Aragatnaşyk we maglumat tehnologiýalary ministri Muhammed Jawad Azari Žahromi, Eýranyň Kosmos ylmy-derňew merkezine baran mahaly metbugat işgärlerine Trampyň öňe süren habarlary bilen baglanşykly beýanat berdi.
Eýranyň Kosmos ylmy-derňew merkezinde emeli hemrany görkezen Žahromi, mundan başgada Twitter hasabyndan beren maglumatynda, Nahid 1 emeli hemrasynyň öňünde düşen suratyny paýlaşyp: “Häzirki wagtda men we Nahid 1 emele hemrasy şu ýerde. Ertiriň haýyrly bolsun Donald Tramp!” sözlerini ulandy.
Eýranly ministr Nahid 1-iň aragatnaşyk emele hemrasydygyny, ýakyn wagtda älem giňişligine uçuryljakdygyny habar berdi.
ABŞ-nyň metbugatynda birnäçe gün ozal berilen habarlarda, Eýranyň demirgazygyndaky bir kosmos merkezinde, raketalaryň biriniň partlandygy aýan edilipdi. Adynyň aýan edilmegini islemeýän resminiň wakanyň tehniki näsazlyk sebäpli bolandygyny habar beripdi.
Mesele bilen baglanşykly ABŞ-nyň Prezidenti Donald Tramp hem, özüniň Twitter hasabyndan beren beýanatynda: “ABŞ-nyň Eýrandaky Semnan uçuryş bazasyndaky Safir SLV atly emele hemranyň soňky taýarlyk işlerinde bolan partlamada hiç hili roly ýok” diýp habar berdi.
