Tibilise müňlerçe oppozisiýa tarapdary rus wekiliýetiniň saparyny protest etdi
Gruziýanyň paýtagty Tibiliside oppozisiýany goldaýan müňlerçe adam rus wekiliýetiniň sapary sebäpli mejlisiň daşyny gurşap aldy we mejlise girmäge synanşdy
Tibiliside öňňin açylan 26-nji Prawoslaw mejlisara assambleýasynyň ikinji günki mejlisine Russiýanyň wekiliýetindäki Russiýanyň Kommunistik partiýasynyň agzasy we Döwlet Dumasynyň deputaty Sergeý Gawrilow ýolbaşçylyk etdi.
Gawrilowyň parlamentde çykyş etmegine reaksiýa bildiren oppozisiýa we müňlerçe adam, parlamentiň jaýynyň öňüne ýygnanşdy.
Parlamentiň Başlygy İrakli Kobakidzäni we käbir ýolbaşçylary iş başyndan çekilmäge çagyran we sanlary 10 müňden geçýän demonstrantlar parlamentiň binasyny gurşaw astyna alyp, içeri girmäge synanşdy. Ýüze çykan dartgynlyk sebäpli howpsyzlyk güýçleri burçly gaz we plastiki gülleler bilen demonstrantlaryň mejlise girmeginiň öňüni aldy.
Syýasy partiýalar we jemgyýetçilik guramalary tarapyndan guralan demonstrasiýada çykyş eden protestçiler Gruziýanyň hökümetini Russiýa garşy güýçsiz syýasat alyp barmakda aýyplap, Parlamentiň başlygyny, İçeri işler ministrini we assambleýany guranlary wezipeden çekilmäge çagyrdy.
Demonstrantlar howpsyzlyk güýçleri tarapyndan dargadyldylar.
Degişli Habarlar
Gazada Ýogalanlaryň Sany 35 Müň 233 Adama Ýetdi
Ysraýylyň 222 günden bäri Gaza Sektoryna garşy guraýan hüjümleri hakynda maglumat berildi.
