Wenesueladan gaçyp Kolumbiýa sygynan esgerleriň sany 1 müňe golaýlady
Wenesuelanyň Ýaragly güýçlerinden gaçyp, Kolumbiýa sygynan esgerleriň sany 1 müňe golaýlady
Taryhynyň iň uly syýasy krizisini başyndan geçirýän ýurtda, protestleriň başlan güni bolan 23-nji fewraldan bäri, ýurdyň Ýaragly güýçlerinden gaçyp, Kolumbiýa sygynan esgerleriň sany 1 müňe golaýlandygy mälim edildi.
Esgerleriň sany Kolumbiýanyň migrasiýa edarasy “Migracion Colombia” tarapyndan paýlaşyldy.
Kolumbiýanyň Daşary işler ministrliginiň resmileri bolsa wenesuelaly esgerleriň maşgalalaryna agza ýene-de 400 adamyň Wenesueladan gaçyp Kolumbiýa sygynandygyny habar berdiler.
Ministrlik halkara adam hukuklary ylalaşygyna laýyklykda, migrantlaryň kabul ediljekdigini we goranjakdygyny mälim etdi.
Wenesuelanyň hökümeti bolsa aralarynda 1 general we 3 polkownik hem bolan jemi 116 harbyny “Watana hyýanat etmek” we “Ýaragly güýçleriň düzüminden gaçmak” aýyplamasyndan goşunyň düzüminden çykarylandygyny habar berdi.
Degişli Habarlar
Gazada Ýogalanlaryň Sany Artmaga Dowam Edýär
Ysraýylyň 228 günden bäri Gaza Sektoryna garşy guraýan hüjümleri hakynda maglumat berildi.