Owganystanyň paýtagty Kabulda iki aýry hüjüm guraldy

Owganystanyň paýtagty Kabulyň 13-nji we 10-njy Polisiýa gullugynyň merkezlerine guralan kamikaze we ýaragly hüjümlerde 7 adam ýogaldy, 17 adam ýaralandy.

Ýurdyň Içeri işler ministri Weýis Bermek geçiren metbugat ýygnagynda 2 hüjümçiniň Kabulyň Daşti Barçi etrapçasyndaky 13-nji Polisiýa gullugynyň 10-njy merkezine ýaragly we raketaly hüjümiň gurandygyny habar berdi.

Hüjümde 2 polisiň ýogalandygyny aýdan Bermek 2 polisiň bolsa ýaralanandygyny mälim etdi.

Bermek hüjümçileriň takmynan 1,5 sagat dowam eden çaknyşykdan soň täsirsiz ýagdaýa getirilendigini beýan etdi.

Mundan başgada Kabulyň Şehri New etrapçasyndaky Polisiýa gullugynyň 10-njy merkezine hüjüm guralandygyny aýdan Bermek 5 hüjümçiniň 1-iniň üstündäki bombany Polisiýa merkeziniň girelgesinde partladandygyny, beýleki hüjümçileriň bolsa merkeze girip çem gelen ýere od açmaga başlandygyny mälim etdi.

Ýurdyň Saglygy goraýyş ministrliginiň metbugat geňeşçisi Wahid Mejruh guralan 2 aýry hüjümde jemi 7 adamyň ýogalandygyny, 17 adamyň bolsa ýaralanandygyny habar berdi.

Kabulyň 13-nji Polisiýa merkezine guralan hüjümiň jogapkärçiligini terror guramasy DAIŞ öz üstüne alan bolsa, şäheriň 10-njy Polisiýa merkezine guralan hüjümiň jogapkärçiligini Taliban öz üstüne aldy.