Asada tabynlykdaky güýçler Gündogar Gutada hlor gazyndan ýasalan himiki ýarag bilen hüjüm gurady
Duma hassahanasynyň ýolbaşçylary 16 adamyň hlor gazyndan zäherlenendigini nygtady
Başar Asada tabynlykdaky güýçler BMG-nyň Howpsyzlyk geňeşiniň Siriýada hüjümleriň 1 aý möhlet bilen bes edilmegi baradaky kararyna garamazdan Gündogar Gutada ýene-de himiki ýarag ulandy.
Mesele baradaky beýanatda, Asada tabynlykdaky güýçleriň Gündogar Gutadaky Şifoniýýe etrapçasynda hlor gazyndan ýasalan himiki ýarag bilen hüjüm gurandygy nygtaldy.
Duma hassahanasynyň ýolbaşçylary 16 adamyň hlor gazyndan zäherlenendigini nygtady.
Asada tabynlykdaky güýçler soňky 2 aýda Duma etrapçasyna 3 gezek hlor gazy bilen hüjüm gurapdy.
Ýolbaşçylar himiki ýarag hüjüminde 1 çaganyň ýogalandygyny habar berdi.
Asada tabynlykdaky güýçler tarapyndan düýn Gündogar Gutanyň Duma, Haresta, Şifoniýýe we Kefer Batna, Hammuriýe, Sakba, Baeýt sawa we Merj etrapçalaryna howadan we gury ýerden hüjüm gurapdy.
Şol hüjümlerde asuda ilatdan 4 adam ýogalypdy.
Şeýlelikde düýn başlan bombaly hüjümlerde ýogalanlaryň sany 5-ä ýetdi.
