"Ýakyn Gündogaryň parahatçylygyna we durnuklylygyna abanýan her bir howp Eýran bilen arabaglanşykly"
Haleý Eýrany terrora we sebitara durnuksyzlyga sebäp bolmakda günäkärledi
ABŞ-nyň BMG-nyň ýanyndaky hemişelik wekili Haleý, Ýakyn Gündogaryň parahatçylygyna we durnuklylygyna abanýan her bir howpyň Eýran bilen arabaglanşyklydygyny öňe sürdi.
Haleý BMG-nyň Howpsyzlyk geňeşinde eden çykyşynda Ýakyn Gündogara abanýan her bir howpyň arkasynda Eýranyň bardygyny öňe sürdi.
BMG-nyň Howpsyzlyk geňeşinde geçirlen Ýakyn Gündogar we Palestina temaly maslahatda çykyş eden Haleý, çykyşynda Eýrany berk tankyt etdi.
Haleý Eýrany terrora we sebitara durnuksyzlyga sebäp bolmakda günäkärledi.
Russiýanyň BMG-nyň ýanyndaky hemişelik wekili Wassily Nebenzia bolsa Haleýiň BMG-nyň Howpsyzlyk geňeşinde Palestina meselesine garalan maslahatda Palestina meselesi hakynda hiç hili garaýyş beýan etmändigine ünsi çekdi.
Nebenzia “ABŞ-nyň BMG-nyň ýanyndaky hemişelik wekiliniň Palestina meselesi hakynda hiç hili garaýyş beýan etmezligi arzuw hyýalymy puja çykardy” diýdi.
Palestina meselesinde hiç hili öňe gidişligiň edilmändigine gynanç bildirýändiklerini aýdan Nebenzia, Ysraýyl-Palestina meselesiniň çözülmegi üçin edilýän tagallalara goldaw berilmelidigini nygtady.