Zika wirusy bilen bagly möhüm açyş edildi
Braziliýaly alymlar aedes görnüşli sary çybynyň göterýän zika wirusynyň DNK düzümini kesgitledi
“CNN-iň" habar bermegine görä zika wirusynyň genetiki düzüminiň kesgitlenmegi wirusyň adamyň bedeninde nähili herket edýändiginiň anyklanmagy bilen birlikde sanjym we synaglaryň taýarlanmagy taýdan-da möhüm başlangyç.
Ylmy barlagyň çäginde Rio Deženerio Federal uniwersitetiniň Molekulýar wirologiýa laboratoriýasynyň işgärleri göwreli aýallaryň amnion suwklyklary bilen geçen hepde Braziliýanyň Paraiba ştatynda doglan badyna ýoğalan we mikrosefali diagnozy goýulan fetuslaryň beýnilerinden alynan wirusyň nusgalaryny analiz etdi.
Professor Renato Santana DNK düzüminiň netijesinde wirusyň ulularyň däl, eýsem bäbekleriň beýni öýjüklerini saýlap almagynyň sebäbini gözleýändiklerini aýtdy.
Braziliýanyň Saglygy saklaýyş ministrligi bäbeklerine mikrosefali diagnozy goýulan enelerin esasy böleginiň zika wirusyny göterýändigini çaklaýar.
