لازارینی: "ایسرایل یاردیملارین غزه-یه داخیل اولماسینا مانع اولور"
فیلیپ لازارینی میصر حکومتینه یاخین اولان " القاهره الاخباریه" کانالینا وئردیگی آچیقلامادا غزه-دهکی وضعیتدن دانیشیب.
بیرلشمیش میللتلر تشکیلاتینین فیلیسطینلی قاچقینلارا یاردیم آژانسینین (UNRWA) باش کمیساری فیلیپ لازارینی بیان ائدیب کی، ایسراییل یاردیملارین غزه زولاغینا داخیل اولماسینا مانع اولور.
فیلیپ لازارینی میصر حکومتینه یاخین اولان "القاهره الاخباریه" کانالینا وئردیگی آچیقلامادا غزه-دهکی وضعیتدن دانیشیب.
بمت رسمیسی "میصر طرفی حادثهلر باشلایاندان بری بیر گون بئله "رفح" کئچید منطقهسینی باغلامادی. غزه زولاغینا یاردیمین چاتدیریلماسینی لنگیدن و مانع اولان طرف ایسراییلین تطبیقلریدیر" دئییب.
بیرلشمیش میللتلر تشکیلاتینین فیلیسطینلی قاچقینلارا یاردیم آژانسینین (UNRWA) باش کمیساری فیلیپ لازارینی ایسراییلین آیری سئچکیلیک ائتمهدن هوجوملارینا دقت چکهرک، "دونیا ایسراییلین اؤلوم ماشینینین گوناهسیزلاری قتله یئتیردیگینه شاهید اولدو" دئییب.
بو آرادا، ایسراییل قوهلرینین 100 گوندور هوجوملارینی داوام ائتدیردیکلری غزه زولاغیندا ارزاق یاردیمی آلماق اوچون توپلاشان مینلرله فیلیسطینلیگه آتش آچماسی نتیجهسینده چوخ سایدا اینسان یارالانیب.
مینلرله فیلیسطینلی اولوسلار آراسی یاردیم تشکیلاتلاری طرفیندن چاتدیریلان ارزاق یاردیمینی آلماق اوچون غزه شهرینین تل الحوا بؤلگهسیندهکی الرشید کوچهسینده توپلاشیب.
ایسراییل قوهلری کؤمک اوچون توپلاشان مینلرله فیلیسطینلیگه آغیر سلاحلاردان آتش آچیب.
چوخ سایدا فیلیسطینلی گوللهلنهرک یارالانارکن، حادثهدن سونرا ایزدیهام دا ازیلن بیر چوخ اینسانین سینیقلاری وار.
تخمینن 800 مین فیلیسطینلینین آجلیق و سوسوزلوق تهلوکهسی ایله اوزلشدیگی غزه زولاغینین قوزئیینده بیر آیدا ایلک دفعه ارزاق یاردیمی دونن گلیب.
"حماس"ین حربی قانادی قسام گردان لاری اوکتبرین 7-ده ایسراییله قارشی "القصی طوفانی" آدلی هرطرفلی هوجوما کئچدیگینی آچیقلاییب.
بونا جاواب اولاراق ایسراییل اوردوسو دؤیوش اوچاق لاری ایله غزه زولاغینا قارشی "دمیر قیلینجلار" عملیاتینا باشلادیغینی اعلان ائدیب.
آرتان گرگینلیکده تخمینن 24 مین فیلیسطینلی حیاتینی ایتیریب.