ولادیمیر زلنسکی: روسیه اوردوسو یئنی هوجوملارا حاضیرلاشیر
اوکراین پرزیدنتی: روسیه اوردوسو یئنی هوجوم حرکتلرینه حاضیرلاشیر. موتفیقلریمیز ایله بیرلیکده روسیهنین هوجوملارینین قارشیسینی آلمالیییق
اوکراین پرزیدنتی ولادیمیر زلنسکی بَیان ائدیب کی، روسیه اوردوسو یئنی هوجوملارا حاضیرلاشیر و اوکراین موتفیقلری ایله بیرلیکده بو هوجوملارین قارشیسینی آلمالیدیر.
ولادیمیر زلنسکی دانیشیقلار آپارماق اوچون اوکراینین پایتخاتی کییفه گئدن ناتونون باش کاتیبی یئنس استولتنبرگ ایله گؤروشوب.
گؤروشدن سونرا تشکیل ائدیلن بیرگه مطبوعات کنفرانسیندا دانیشان زلنسکی، باشدا آمریکا اولماقلا طرفداشلاریندان سیلاح تداروکو گؤزلدیکلرینی سؤیلهدی.
روسیه اوردوسونون موجود وضعیتدن فایدالاندیغینی وورغولایان زلنسکی، "اونا گؤرهده سرعتلی داشینما جبهه خطینده ایستیقرارین تامین ائدیلمهسی دئمکدیر" دئییب.
زلنسکی "155 کالیبرلی توپلار، اوزاقمنزیللی سیلاحلار و هاوا هوجوموندان مودافیعه سیستملری، خوصوصیله پاتریوت سیستملری. بو سیستملر بیزیم طرفداشلاریمیزدا وار و حاضیردا روسیهنین اوکراینداکی ترور آرزولارینی محو ائتمک اوچون چالیشمالیدیرلار. روسیه اوردوسو یئنی هوجوم حرکتلرینه حاضیرلاشیر. موتفیقلریمیز ایله بیرلیکده روسیهنین هوجوملارینین قارشیسینی آلمالیییق." دئدی.
اوکراین اوردوسونا واختیندا دستیین وئریلمهسی ایله باغلی موثبت بیر شئی گؤرمهدیگینه ایشاره ائدن ولادیمیر زلنسکی بو پروسسین سرعتلندیریلمهسینین لازیم اولدوغونو بیلدیریب.
جولای آییندا واشینگتوندا کئچیریلهجک ناتو زیروهسینه توخونان زلنسکی، "بو زیروه بیرلیک اوچون گوج آنی اولا بیلر، اولمایا دا بیلر. بیرلیگین دوشمنینین ناتونون گوجلنمهسینه وتو قویوب-قویامایاجاغینا اورادا قرار وئریلهجک. بو قرار اوکراین بارهده وئریلهجک. اوکراین ناتویا عضو اولماق دعوتینه لایقدیر" دئدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.