بیرلشمیش میللتلر تشکیلاتی غزه‌ده پارتلامامیش بومب ریسکی وار
بیرلشمیش میللتلر تشکیلاتی 7 اکتبردان بری ایسرائیلین سیخ هوجوملارینا معروض قالان غزه‌نین چوخ سایدا پارتلامامیش بومب ریسکی سببییله "ان تهلوکه‌لی مرحله‌ده" اولدوغو باره‌ده خبردارلیق ائدیب
بیرلشمیش میللتلر تشکیلاتی چوخلو سایدا پارتلامامیش بومب ریسکی سببیندن غزه‌نین "ان تهلوکه‌لی مرحله‌سینده" اولدوغو باره‌ده خبردارلیق ائدیب.
بیرلشمیش میللتلر تشکیلاتینین مینلری تمیزلمه خیدمتینین فیلیسطین مسئولو مونگو بیرچ ژنوده باشلایان «مینلری تمیزلمک اوزره میللی دیرئکتورلار و بیرلشمیش میللتلر تشکیلاتی مصلحتچیلرینین 27-جی اولوسلارآراسی توپلانتیسی» چرچیوه‌سینده قیمتلندیرمه‌لر آپاریب.
بیرچ، 7 اکتبردان بری ایسرائیلین سیخ هوجوملارینا معروض قالان غزه‌نین چوخ سایدا پارتلامامیش بومب ریسکی سببییله "ان تهلوکه‌لی مرحله‌ده" اولدوغو باره‌ده خبردارلیق ائدیب.
قضالارین چوخونون اینسانلارین غزه‌نین قوزئیینه قاییتماغا باشلادیغی زامان باش وئره‌جَیینی ایفاده ائدن بیرچ، "چونکی پارتلامامیش بومبلارین هارادا اولدوغونو بیلمه‌یه‌جکلر" دئدی.
بیرچ، غزه‌نین قوزئیینه دؤنوشون باشلادیغی زامان اینسانلارا احتیاج دویدوقلاری ریسک تحصیلینین وئریلمه‌سینین واجیبلیگینه دقت چکیب.
بیرلشمیش میللتلر تشکیلاتی باش کاتیبینین صلح عملیاتلاری اوزره معاوینی ژان-پییر لاکروا مینلری تمیزلمه خیدمتینه اینسانی سعی‌لر و ریسک آراشدیرمالاری کیمی فعالیتلرینده دستک اولدوقلارینی قید ائدیب.
لاکروا همچینین غزه‌ده اینسانی آتیش‌کسین تامین ائدیلمه‌سینین اؤنجه‌لیک اولاراق قالدیغینی وورغولاییب.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
