میانماردا حربی چئوریلیش
میانمار اوردوسو اؤلکهنین کنترلونو اله گئچیررک، اولاغان اوستو وضعیت اعلان ائتدی
میانمار اوردوسو، پرزیدنتین و خاریجی ایشلر باخانینین گؤزآلتینا آلینماسیندان سونرا اؤلکهنی ۱ ایل بویونجاجگینی بیلدیردی. .
میانمار اوردوسونون یایین اورگانی طرفیندن یاییلان آچیقلامادا سحر ساعاتلاریندا باش توتان گؤزآلتیلاردان سونرا چئوریلیش ادعالاری دوغرولانیرکهن، اؤلکهده حاکمیتین آرتیق سلاحلی قوهلرین باشی مین آنگ هلینگین الینه گئچدیگی بیلدیریلدی.
چئوریلیشدن سونرا اؤلکهده اولاغان اوستو وضعیت اعلان ائدیلدیگینی آچیقلایان اوردو، اؤلکهنین بیر ایل مدتینده نظامی قوراللارلا ایداره اولوناجاغینی بیان ائتدی.
میانماردا اوردا اقتدارداکی آنگ سان سوچینین پارتیسینین ظفری ایله نتیجهلنهن سئچیملرده تقلب اولدوغونو ایرلی سورموشدو.
دارتیششمالار داوام ائدرکهن باش قرارگاه رئیسی قانونلارین دوزگون شکیلده تطبیق اولونماماسی حالیندا آنایاسانین لغو ائدیلهبیلهجگینی آچیقلامیشدی.
میانمار پارلمانینین دا بو گون آچیلماسی گؤزلنیلیردی.
میانماردا حاکم پارتی ملی دموکراسی بیرلیگی پارتیسینین سؤزچوسو میو نیونت پرزیدنت وین مینت، سوچی و دیگر پارتی لیدئرلرینین سحر ارکهن ساعاتلاردا اوردونون ائتدیگی باسقین نتیجهسینده گؤزآتینا آلیندیغینی آچیقلادی.
"خالقیمیزین دوشونمهدن تپکی وئرمهمهسینی و قانونا اویغون حرکت ائتمهسینی ایستهییرم" دئین میو نیونت، اؤزونون ده گؤزآلتینا آلیناجاغینی گؤزلدیگینی بیلدیردی.