تورکیه امریکا-نین باریش پلانینین اؤلو دوغولدوغونو بیلدیردی
تورکیه امریکانین فیلیسطین-ایسرایل مسئلهسینه "حل یولو تاپماق" ادعاسی ایله حاضیرلادیغی ساختا سوله پلانینین اؤلو دوغولدوغونو بیلدیردی.
تورکیه امریکانین فیلیسطین-ایسرایل مسئلهسینه "حل یولو تاپماق" ادعاسی ایله حاضیرلادیغی ساختا باریش پلانینین اؤلو دوغولدوغونو بیلدیردی.
خاریجی ایشلر ناظرلیگینین آچیقلاماسیندا "امریکانین ساختا باریش پلانی اؤلو دوغولوب. بو پلان پروبلئمین ایکیترفلی دانیشیقلار یولو ایله حلینی محو ائتمک و فیلیسطین تورپاقلارینی غصب ائتمک مقصدی گودور” ایفادهسی ایشلدیلیب.
قودس-ون تورکیه-نین قیرمیزی خطی اولدوغونا ایشار ائدیلن آچیقلامادا امریکا پرزیدنتی دونالد ترامپین ایسرایلین باش ناظیری بنیامین نتانیاهو ایله بیرگه آچیقلادیغی اورتا دوغودا 100 ایللیک "عصرین موقاویله سی " پلانیندا فیلیسطین ایله باغلی موضعی پیسلنیب و "فیلیسطین خالقی و تورپاقلاری پوللا ساتین آلینماز. قودس قیرمیزی خطتیمیزدیر. ایسرایلین ایشغالینا حاق قازاندیراجاق آددیملارا ایجازه وئرمهیهجییک. قارداش فیلیسطین خالقینین یانیندا اولاجاغیق. فیلیسطین اراضیلرینده موستقیل فیلیسطین اوچون موباریزهمیزی داوام ائتدیرجییک"دئیه بیلدیریلیب.
آچیقلامادا داها سونرا وورغولانیب کی، فیلیسطین-ین قبول ائتمهیهجگی هر هانسی بیر پلانی تورکیه ده دستکلهمیر. ایشغال سیاستینه سون قویمادان اورتا دوغویا باریش گله بیلمز.
قئید ائدک کی، امریکا پرزیدنتی دونالد ترامپ ژانویه نین 28-ده سؤزده اورتا دوغو باریش پلانینی آچیقلارکن قودسون ایسرایلین بؤلونمز پایتاختی اولاراق قبول ائدیله جگینی و پلانین فیلیسطینلیلر اوچون سون شانس اولدوغونو ایفاده ائتمیشدی.